ސްކޭމް އެލަރޓުތަކަށް ސަމާލުވުމަށް ދިވެހި ފުލުހުންގެ ހިދުމަތުން އިލްތިމާސް ކުރައްވައިފިއެވެ.

އެ އިދާރާ އިން 'އެކްސް' ގައި ކުރެއްވި ޕޯސްޓެއްގައި ވިދާޅުވީ މިހާރުދައުރުވަމުން ދަނީ ހައުސިންގ މިނިސްޓްރީ އާ ގުޅުންހުރި މެސެޖެއް ކަމަށެވެ.

އެގޮގތުން ހައުސިންގ މިނިސްޓްރީގެ ލިޔެކިއުންތަކެއް އެނދުމާ ގުޅިގެން ގެދޮރުވެރިޔާ ފްލެޓްތަކަށް އަލުން ފޯމު ލުމުގެ ފުރުސަތު ހުޅުވާލައިފިކަމަށް ބުނެ، ލިންކަކާއެކު މެސެޖެއް ދައުރުވަމުންދާ ކަމަށް ވަނީ ވިދޅާުވެފައެވެ. އަދި ދައުރުވަމުންދާ މެސެޖަކީ ސައްހަ މެސެޖެއް ނޫން ކަމަށާއި އެކަމަށް ސަމާލުވުމަށް ފުލުހުން ވަނީ އިލްތިމާސް ކުރައްވާފައެވެ.

އެކިދުވަސްވަރު، އެކި ކަންކަމާއި ގުޅުވައިގެން ސްކޭމް ކޯލްތަކާއި މެސެޖްތައް ދައުރުވަމުންދެއެވެ. ބައެއްފަހަރު ކޮންމެސް ޕްރޮމޯޝަނަކާއި ގުޅުވައި މެސެޖު އަންނައިރު، ސަރުކާރުގެ ކޮންމެވެސް އިދާރާއެއްގެ ނަމުގައި ވެސް މެސެޖު އާދެއެވެ.

މިފަދަ ގިނަ މެސެޖުތައް މެދުވެރިކޮށް ބައެއް ފަރާތްތަކުގެ އަތުން ބޮޑެތި އަދަދުން ފައިސާ ވެސް ހޯދާފައި އެބަހުއްޓެވެ.