"ހުސްވީމަ ހުސްވީ"ގެ ނަމުގައި އެސްޓީއޯ އިން ބޮޑު ވެއަރ ހައުސް ސޭލެއް ފަށައިފިއެވެ.

މި ހިނގާ ނޮވެމްބަރ މަހުގެ ފުރަތަމަ ދުވަހު ފެށި މި ސޭލް މި މަހުގެ 4 ވަނަ ދުވަހާއި ހަމައަށް ކުރިއަށްދާއިރު، މިއީ ތަފާތު ގިނަ ބްރޭންޑްތަކުގެ ތަކެތި ހިމެނޭހެން ކުރިއަށްގެންދާ ސޭލްއެކެވެ.

ބޮޑެތި ޑިސްކައުންޓްތަކާއި އެކު ކުރިއަށްދާ މި ވެއަރ ހައުސް ސޭލްގައި ހިޓާޗީ، މަކިޓާ، ނިޕޯން ޕެއިންޓް، ރެމިންގްޓަން އަދި ރަސްލް ހޮބްސްގެ ބްރޭންޑުތައް ހިމެނެއެވެ. އަދި ބަދިގެ ތެރޭގައި ހިފާ ގެންގުޅޭ ތަފާތު ގިނަ ބާވަތެއްގެ އައިޓަމްތައް ވެސް ހިމެނެއެވެ.

މި ސޭލްއަކީ 80 އިންސައްތައާއި ހަމައަށް ޑިސްކައުންޓް އަގުތަކެއްގައި ތަކެތި ވިއްކުމަށް ހަމަޖެހިފައިވާ ސޭލެކެވެ. އެސްޓީއޯ ހެޑް އޮފީސް ގޯތިތެރޭގައި ސޭލް ކުރިއަށްދާނީ ހަވީރު 4 ން އިރުއޮއްސި 6 އަށް އަދި ރޭގަނޑު 8 ން 11 ޖަހަންދެނެވެ.

އެސްޓީއޯއިން ކުރިއަށް ގެންދާ މިވެއަރ ހައުސް ސޭލްގެ ތެރެއިން -/500 ރުފިޔާއިން މަތިން ކުރާ ކޮންމެ ވިޔަފާރިއަކަށް ކޫޕަނެއް ދިނުމަށް ވަނީ ހަމަޖެހިފައެވެ. އަދި ސޭލް ކުރިއަށްދާ ކޮންމެ ރެއަކު ނަސީބުވެރި ފަރާތެއް ހޮވުމާއި ވެއަރ ހައުސް ސޭލް ނިމުމުން ނަގާ ގުރުއަތުގައި ނަސީބުވެރި އެއް ފަރާތަކަށް ބޮޑު އިނާމެއް ދިނުމަށް ވަނީ ހަމަޖެހިފައެވެ.