މޯލްޑިވްސް އިސްލާމިކް ބޭންކް (އެމްއައިބީ) އިން "ފައިސާ ވެއަރ" އަނގޮޓި ތައާރަފްކޮށްފިއެވެ.

މި އަނގޮޓި ތައާރަފްކޮށްފައިވަނީ ނޮވެމްބަރ 1 ވަނަ ދުވަހުގެ ރޭ ހުޅުމާލޭގައި އެކަމަށްޓަކައި ބޭއްވި ހާއްސަ ރަސްމިއްޔާތެއްގައެވެ.

އެމްއައިބީން ހާމަކުރައްވާފައިވާ ގޮތުގައި މިއީ އޭޓީއެމްތަކާއި ޕީއޯއެސްތަކުން ކޭޝްކާޑުން ކުރެވޭ ބޭނުންތައް ކުރެވޭ އަނގޮޓިއަކީ ކޮންމެތަނެއްގައި ކޮންމެ ވަގުތަކު ވެސް ގެންގުލޭވޭ އަނގޮޓިއެކެވެ.

“ކުޅިވަރު ކުޅޭ އިރުގަވެސް، މޫދަށް އެރޭއިރު ވެސް މި އަނގޮޓި ބޭނުންކުރެވޭނެ." އެމްއައިބީން ހާމަކުރެއްވިއެވެ.

މީގެއިތުރުން މާލޭ ބިޒްނަސް ސެންޓަރުންނާއި ރަށްރަށުގައި ގާއިމުކޮށްފައި ހުރި އެ ބޭންކުގެ ބްރާންޗްތަކުން ވެސް އެ އަނގޮޓި މިހާރު ލިބެން ހުންނާނެ ކަމަށް އެމްއައިބީން ހާމަކުރައްވާފައި ވެއެވެ.