އަންހެނުންގެ ޝޯޓްކޯސް 100 މީޓަރ ބްރެސްޓްސްޓްރޯކް އިވެންޓުގެ ގައުމީ ރެކޯޑް ޙަމްނާ އަޙްމަދު އައުކޮށްފިއެވެ.

އޭނާ މި ރެކޯޑު އައުކުރީ ހަންގޭރީގައި މިހާރު ކުރިއަށްދާ އެގައުމުގެ 20 ވަނަ ނެޝަނަލް ޝޯޓްޓްރެކް ޗެމްޕިއަންޝިޕް ގައި 01:22.65 އިން ރޭސް ނިންމައިގެންނެވެ.

މި އިވެންޓުގެ ގައުމީ ރެކޯޑު މީގެކުރީން ވެސް އޮތީ އޭނާ އަތުގައެވެ. އެއީ މިއަހަރުގެ ސެޕްޓެމްބަރ މަހު ކުރިއަށްދިޔަ ހާޖޮސް އަލްފްރެޑް ކުޕާ 3 ގައެވެ. އޭރު ހަމްނާ މި އިވެންޓު ނިންމާފައިވަނީ 01.23.76 އިންނެވެ.