އުރީދޫ މޯލްޑިވްސް އިން ހާއްސަ އޮފަރއެއް ފަށައިފިއެވެ.

މިއީ ގޭމް ސްޓްރީމް ކޮށްލުމަށް ތިން ދުވަހަށް 100ޖީބީ ލިބޭ އޮފަރއެކެވެ.

އެ ކުންފުނިން ހާމަކުރައްވާފައިވާ ގޮތުގައިި "ސަތޭކައަށް ސަތޭކަ" ނަމުގައި ފެށި މި އޮފަރ އަކީ ގޭމް ސްޓްރީމް ކޮށްލުމަށާއި، ސިސްޓެމް އަޕްޑޭޓު ކުރުމާއި ޑޭޓާ ގިނައިން ބޭނުން ކުރަން ޖެހޭ ކަންކަމަށް ކަސްޓަމަރުންނަށް އިތުރަށް ފަސޭހަވެގެން ދާނެ އޮފަރއެކެވެ.

މި ޑޭޓާ ހޯދުމަށް "100ޖީބީ" ޖެހުމަށްްފަހު 5555 އަށް މެސެޖު ކުރުމުން ތިން ދުވަހަށް ލިބިގެންދާ މި ޑޭޓާގެ އަގަކީ އެންމެ 100 ރުފިޔާއެވެ.

ތަފާތު އެކި މުނާސަބާތަކާއި ގުޅިގެންނާއި އެކިއެކި ދުވަސްވަރު އުރީދޫ އިން ގެންދަނީ ކަސްޓަމަރުންނަށް ބޭނުންވާ އެކި އޮފަރތައް ތައާރަފްުރަމުންނެވެ.

އެގޮތުން މިހާރުކުރިއަށްދާ ކޮންމެ ތިން ދުވަހަކުން ސައިކަލެއް ލިބޭ ޕްރޮމޯޝަން ފާހަގަކޮށްލެވެއެވެ. މިއަހަރުގެ ޑިސެމްބަރު މަހުގެ ނިޔަލަށް ކުރިއަށްގެންދާ މި ޕްރޮމޯޝަންގައި 30 ސައިކަލު ދޫކުރަން ހަމަޖެހިފައިވާއިރު، މިހައިތަނަށް 13 ސައިކަލެއް ވަނީ ދޫކޮށްފައެވެ.