ދިރާގުގެ ހިލޭ 5ޖީ ރައުޓަރެއް ލިބޭ ޕްރޮމޯޝަން މިއަހަރުގެ ނިޔަލަށް އިތުރުކޮށްފިއެވެ.

މިއީ މި އަހަރުގެ އޮގަސްޓު 16 ވަނަ ދުވަހު ފެށި ޕްރޮމޯޝަނެކެވެ. އަދި ކުރިން ނިންމާފައި އޮތީ އޮކްޓޯބަރ މަހުގެ ނިޔަލަށް ކުރިއަށް ގެންދިއުމަށެވެ.

އެހެންނަމަވެސް ދިރާގުން މިހާރުހާމކުރައްވާފައިވަނީ މި ޕްރޮމޯޝަން މިއަހަރުގެ ޑިސެމްބަރ 31 ގެ ނިޔަލަށް ކުރިއަށްގެންދާނެ ކަމަށެވެ.

އެ ޕްރޮމޯޝަންގެ ދަށުން އާ 5ޖީ ޓާބޯ 749 ނުވަތަ މަތީގެ ޕްލޭނަކަށް ސަބްސްކްރައިބް ކުރާ ހުރިހާ ކަސްޓަމަރުންނަށް ހިލޭ 5ޖީ ރައުޓަރެއް ލިބޭނެއެވެ. އަދި 5ޖީ ޓާބޯ ވައިފައި ޕްލޭންތަކާއެކު ކަސްޓަމަރުންނަށް އިތުބާރު ކުރެވޭ، 5ޖީ ސްޕީޑްގެ ހަލުވި އިންޓަރނެޓް ކޮންމެ ތަނެއްގައި ހުރެގެން ވެސް ބޭނުންކުރެވޭނެ ކަމަށް އެ ކުންފުނިން ވިދާޅުވެއެވެ.

ދިރާގުން ވިދާޅުވީ އަބަދު ވެސް މަސައްކަތް ކުރަމުން ދަނީ ކަސްޓަމަރުންނަށް ތަފާތު އައު އޮފަރތައް ގެނެސްދިނުމަށް ކަމަށެވެ.

ހިލޭ 5ޖީ ރައުޓަރު ލިބޭ އޮފާ އާއި ދިރާގު 5ޖީ ޓާބޯ ވައިފައި އާ ބެހޭ އިތުރު މައުލޫމާތު ހޯދުމަށް: https://bit.ly/3rklGxI