މި ސަރުކާރު ކުރިއަށްދާނީ ރައްޔިތުންނަށް އިންސާފުވެރިކަމާއެކު ތަނަވަސްކަން ހޯދައިދިނުމުގައި ކަމަށް ރައީސް ޑރ. މުޙައްމަދު މުޢިއްޒު ވިދާޅުވެއްޖެއެވެ.

މީިސްމީޑިއާގެ 'އެކްސް' ގައި ކުރައްވާފައިވާ ޕޯސްޓެއްގައި އެމަނިކުފާނު ވިދާޅުވީ ތަނަވަސްކަން ނެތް ރައްޔިތުންނަށް ފައިދާއެއް ވާން ނޭދޭ ސިޔާސީ ވެރީން ރައްޔިތުންނަށް ވަރަށް ސާފު ވާތަން ކުރިޔަށް އޮތް ތާނގައި އިތުރަށް ފެންނާނެ ކަމަށެވެ.

މީގެއިތުރުން މި ސަރުކާރު ކުރިޔަށްދާނީ ރައްޔިތުންގެ ފަޅީގައި އޮވެ، ކަމަށް ވެސް ވަނީ ވިދާޅުވެފައެވެ.

ރާއްޖޭގެ މާލީ އަދި އިގްތިސާދީ ދާއިރާ އިސްލާހުކުރުމަށް އަޅުއްވާފައިވާ ފިޔަވަޅުތަކަށް ސިޔާސީ ބައެއް ފަރާތްތަކުން ދެކޮޅު ހަދަމުންދާ ދަނޑިވަޅެއްގައި އެމަނިކުފާނު މިފަދައިން ވިދާޅުވެފައިވާއިރު، ރައީސް ގެންދަވަނީ އިސްލާހީ ބައެއް ފިޔަވަޅުތައް އަޅުއްވަމުންނެވެ.

އެގޮތުން ޑޮލަރުން އާމްދަނީ ލިބޭ ކުންފުނިތަކުން ދައުލަތަށް ދައްކަން ޖެހޭ ފައިސާ ޑޮލަރުން ދެއްކޭނެ ގޮތް ހެދުމާއި، ޑޮލަރުން މުސާރަ ދޭ ކުންފުނިތަކުން ޕެންޝަން ފަންޑަށް ޖަމާކުރާ ފައިސާ ވެސް ޑޮލަރުން ޖަމާކުރެވޭނެ ބަދަލު ގެންނެވުން ހިމެނެއެވެ.

ހަމަމިއާއެކު ޓެކްސް ބޭސް ބޮޑުކުރުމާއި، ސަބްސިޑީސްތަކަށް ބަދަލުގެ ގެނައުމަކީ ވެސް މާލީ ނިޒާމު ހަރުދަނާ ކުރުމަށް ސަރުކާރުން އެކުލާވާފައިވާ މަގުޗާޓުގައި ހިމެނޭ ކަންކަމެވެ.