މޯލްޑިވްސް ސޮސައިޓީ ފޯރ ޕާރފޯމިން އާޓްސް (އެމްއެސްޕީއޭ) ގެ ފިލްމު އެވޯޑްސް އަށް ކުރިމަތިލުމަށް ހުޅުވާލައި ފުރުސަތުގައި ބައިވެރިކޮށްފައިވަނީ 19 ފިލްމު ކަމުގައި އެމްއެސްޕިއޭ އިން ހާމަކޮށްފިއެވެ.

ނެޝަނަލް ސެންޓަރ ފޮ ދި އާޓްސް އާ ގުޅިގެން ކުރިއަށްގެންދާ މި ފެސްޓިވަލު ތާވަލުކޮށްފައިވާގޮތަށް ޑިސެމްބަރ 22 ން 28 ގެ ނިޔަަލަށް އޮލިމްޕަސް ސިނަމާގައި ކުރިއަށްދާނެކަމަށް އެމްއެސްޕީއޭ އިން މައުލޫމާތު ދެއްވައެވެ.

މިއީ ރާއްޖޭގައި އުފައްދާ ދިވެހި ފިލްމުތަކުގައި މަސައްކަތްކުރާ ފަރާތްތަކަށާއި ފިލްމު އުފައްދާ ފަރާތްތަކަށް ހިތްވަރުދިނުމުގެ މަގްސަދުގައި ދޭ އެވޯޑެކެވެ. އަދި އެ ފަރާތްތައް ކުރިއެރުވުމާއި އެ ފަރާތްތަކުން ކުރާ މަސައްކަތްތަކުގެ އަގު ވަޒަންކޮށް، ވާދަވެރި މާހައުލެއްގައި މޮޅު އުފެއްދުންތަކެއް އުފެއްދުމަށް ހިތްވަރު ދިނުމަކީ ވެސް މަގްސަދެއް ކަމުގައި އެމްއެސްޕީއޭ އިން ހާމަކުރެއެވެ.

މި އެވޯޑުގައި 2018 ވަނަ އަހަރުގެ ޖެނުއަރީން ފެށިގެން ފައިބެއަހަރުގެ ޑިސެމްބަރު މަހުގެ ނިޔަލަށް ދައްކާފައިވާ ފީޗަރ ފިލްމުތައް ބައިވެރިކުރުމުގެ ފުރުސަތު ވަނީ ދީފައެވެ.

ޖުމްލަ 29 ކެޓަގަރީއަކުން މި އެވޯޑަށް ކުރިމަތިލުމަށް ހުޅުވައިލިއިރު، އެމްއެސްޕީއޭ އިން ހާމަކޮށްފައިވާ ގޮތުގައި މި އެވޯޑު ހަފުލާ ބޭއްވުމަށް ހަމަޖެހިފައިވަނީ އަންނަ ޑިސެމްބަރު މަހުގެ 22 ވަނަ ދުވަހުން ފެށިގެން 30 ވަނަ ދުވަހުގެ ނިޔަލަށެވެ.

މި އެވޯޑު ހަފްލާ ބާއްވާނީ ފެސްޓިވަލަކާއެކުގައެވެ.