އުރީދޫގެ ހާއްސަ އާންމު ޖަލްސާއެއް ޑިސެމްބަރ މަހު ބޭއްވުމަށް ނިންމައިފިއެވެ.

އެ ކުންފުނިން ބުނީ އެ ޖަލްސާގައި ބައުވެރިވެވޭނީ މި ހިނގާ ނޮވެމްބަރ މަހުގެ 27 ވަ ދުވަހުގެ މެންދުރުފަހު 2 ޖެހުމުގެކުރިން އުރީދޫގެ ހިއްސާދާރުންގެ ގޮތުގައި ރަޖިސްޓްރީވެފައިވާ ފަރާތްތަކަށް ކަމަށެވެ.

އެގޮތުން އަމިއްލައަށް ނުވަތަ ޕްރޮކްސީ މެދުވެރިކޮށް އެ ޖަލްސާގައި ބައިވެރިވެގެން ފާސްކުރުމަށް ހުށަހަޅާފައިވާ އެޖެންޑާގެ އައިޓަމްތަކަށް ވޯޓު ދެވޭނެ ކަމަށް ވަނީ ބުނެފައެވެ.

މީގެއިތުރުން އެ ޖަލްސާގެ ނޯޓިސް އާއި އެޖެންޑާ މިމަހުގެ 30 ވަނަ ދުވަހު އެކުންފުނީގެ އިންވެސްޓަރސް ވެބްސައިޓުގައި އާންމު ކުރާނެ ކަމަށް ވެސް އުރީދޫން ބުނެއެވެ.

އެ ނޯޓިސް އާއެކު އެޖަލްސާ ބާއްވާނެ ތާރީހާއި ގަޑިއާއި ތަނާއި އެެޖެންޑާ އައިޓަމްތަކާއި ވޯޓުލުމާ ގުޅޭ އިތުރު މައުލޫމާތުތައް ވެސް އާންމުކުރާނެ ކަމަށް އެ ކުންފުނިން ވަނީ ބުނެފައެވެ.