ދިވެހި ފިލްމު ބިބީގެ ޝޯވއެއް ސްޕައިންގައި އެޅުވުމަށް ނިންމައިފިއެވެ.

ޑާކް ރެއިން އެންޓަރޓެއިންމެންޓުން އުފައްދާފައިވާ މި ފިލްމު އެގައުމުގައި އެޅުވުމަށް ނިންމާފައިވަނީ މިރެއެވެ. މިރޭ 9 ޖަހާއިރު، ފިލްމު ދައްކާނީ ސްޕެއިންގެ ލޮގްރޯނިއޯ ގައެވެ.

މިއީ ދިވެހި ފިލްމެއް ސްޕެއިންގައި ދައްކާ ފުރަތަމަ ފަހަރުވެސް މެއެވެ.

މި ފިލްމުގެ ލީޑު ތަރިންގެ ގޮތުގައި ޝަރަފް އަބްދުﷲ (ޝަރައްޕެ) އާއި މަރިޔަމް މަޖުޖާ (މަޖޫ) ހިމެނޭއިރު، އިތުރުތަރުންގެ ތެރޭގައި ޝީލާ ނަޖީބު، އަހުމަދު ސައީދު، އަބްދުﷲ ޝާފިއު (ފުބޫ)، އަހުމަދު ޝާކިރު (ޝާއްކޮ އައްމަޑޭ)، މަލީހާ ވަހީދު، ޝުހާ، އާދަމް ރިޒްވީ، ސާމީ، އަމަން ހާޒިފު އަދި މަރިޔަމް ހަލީމް ވެސް ހިމެނެއެވެ.

ޝަހޫއަކީ ފިލްމުގެ ޑައިރެކްޓަރު އަދި ސްކްރީން ޑައިރެކްޓަރު ވެސް މެއެވެ. "ބިބީ" ގެ މޭކަޕް އާޓިސްޓުގެ ގޮތުގައި ސޭންޑީ ހިމެނޭއިރު، މި ލަވައިގެ ނެށުންތަކާއި ކޮސްޓިއުމްތަކާއި މޭކަޕްކޮށް އަދި ލަވަ ޑައިރެކްޓްކޮށްފައިވަނީ ވެސް ސޭންޑީއެވެ.