ދިވެހި ފިލްމުތަކަށް ލޯބިކުރާ ގިނަ ބަޔަކު އިންތިޒާރުކުރަމުން އައި ވަގުތު ޖެހެނީއެވެ. އާދެ، މިރެއަކީ 'ދޭދަރު ރުއިން' ޕްރިމިއަރ ކުރާ ރެއެވެ.

ކަޒްމިކް އިންޓަރނޭޝަނަލް އަދި އައިފިލްމްސް އިން އުފައްދާފައިވާ މި ފިލްމަކީ އިންސާނުން ޓްރެފިކް ކުރުމާއި ވިޔަފާރިކުރުމުގެ މައްސަލައަށް އަލިއަޅުވާލާ ފުރަތަމަ ދިވެހި ފިލްމެވެ.

އެކްޝަން، ކްރައިމް، ޑްރާމާ ހިމަނާފައިވާ މި ފިލްމުގައި ރޭވިގެން ކުރެވޭ ކުށްތަކާއި، ގެވެށި އަނިޔާއާއި، ކުޑަކުދިންނަށް ނުރައްކާވުމާއި، ކުޑައިރު ލިބޭ ނަފްސާނީ ޓްރޯމާ އަށް ވެސް އަލިއަޅުވާލައެވެ. އަދި މި ފިލްމުގައި ދައްކުވައިދޭ އެއް ދުވަސް ތެރޭގައި މި ހުރިހައި މައްސަލަތައް އެއްވެ، ގުޅި ލާމެހިގެންދެއެވެ.

ޑައިރެކްޝަންގެ ދާއިރާ އަށް އަލަށް ތައާރަފްވާ އައްޒާމު ޑައިރެކްޓް ކުރާ މި ފިލްމުގެ ލީޑު ރޯލުން ރާއްޖޭގައި މިވަގުތުހުރި އެންމެ ހުނަރުވެރި އަދި އެންމެ ބިޒީ ތަރީ ޝަރަފުއްދީން ޢަބްދުﷲ (ޝަރަފް) އާއި ‏މައިހާ އާދަމް ޒާހިރު އަދި ނޭޕާލު ޝުޝްމާގެ ހުނަރު ދައްކުވައިދޭނެއެވެ.

ޑައިރެކްޝަންގެ ދާއިރާ އަށް އަލަށް ތައާރަފްވާ އައްޒާމު ޑައިރެކްޓް ކުރާ މި ފިލްމުގެ ލީޑު ތަރިންގެ ގޮތުގައި ޝަރަފުއްދީން ޢަބްދުﷲ (ޝަރަފް) އާއި ‏މައިހާ އާދަމް ޒާހިރު އަދި ނޭޕާލު ޝުޝްމާ ގެ ކުޅަދާނަކަން ދައްކުވައިދެއެވެ.

ސިނަމަޓޮގްރަފީ އިސްމާޢީލް ޔާނިމް (އޮކްނޯ) ހަދާދީފައިވާއިރު، އެޑިޓަރަކީ އާދަމް ޝިނާދު (އޮކްނޯ) އެވެ. އަދި ސައުންޑް އަދި ކްރޫ އޮކްނޯ ހަދާފައިވާއިރު، މިއުޒިކް/ބެކްގްރައުންޑް ހަދާފައިވަނީ ފައްޗުއެވެ.

މޭކަޕް އާޓިސްޓުންގެ ގޮތުގައި ހަރަކާތްތެރިވެފައިވަނީ ރާއްޖޭގައި މިދާއިރާއިން އެންމެކުރިއަރާފައިވާ ދެފަރާތްކަމަށްވާ ރުތުބާ އަޙްމަދުއާއި ސޭންޑީއެވެ.

އައިފިލްމްސް އިން މިހައިތަނަށް ވަނީ މަގްބޫލު ފީޗަރ ފިލްމުތަކެއް ގެނެސްދީފައެވެ. އޭގެތެރޭގައި ބަވަތި، ނީނާ ހިމެނެއެވެ. އަދި ކަޒްމިކް އިންޓަރނޭޝަނަލް އަކީ ދިވެހީންނަށް މަގްބޫލު އުފެއްދުންތަކެއް ގެނެސްދީފައިވާ ފަރާތެކެވެ. އެގޮތުން ވެބް ސީރީޒް 'ދަރަކަ' ފާހަގަކޮށްލެވެއެވެ.

ދޭދަރު ރުއިން ފިލްމުގެ ޓިކެޓް ވިއްކަން އަންނައިރު، ހޮޓްލައިން 7242555 ނަންބަރަށް ވައިބަރ މެދުވެރިކޮށް މެސެޖްކުރުމުން ޓިކެޓް ގަނެވޭނެ އިންތިޒާމު މިހާރުވަނީ ހަމަޖައްސާފައެވެ.