ބީއެމްއެލް 5 ވަނަ ނެޝަނަލް ކިޑްސް ސްވިމިންގ ފެސްޓިވަލްގައި 400 އަށްވުރެ ގިނަ ފަރާތުން ބައިވެރިވެފައިވާކަމަށް ސްވިމިންގ އެސޯސިއެޝަނުން ހާމަކުރައްވައިފިއެވެ.

އެސޯސިއޭޝަނުން ވިދާޅުވީ މިއަހަރުގެ މުބާރާތުގައި ޖުމްލަ 8 ކުލަބުން 425 ބައިވެރިން ވާދަކުރާ ކަމަށެވެ. އެއީ 204 އަންހެން ބައިވެރިންނާއި 221 ފިރިހެން ބައިވެރިން ކަމަށް އެ އެސޯސިއޭޝަނުން ވިދާޅުވިއެވެ.

މި މުބާރާތުގައި ޖުމްލަ 8 ކުލަބަކުން ވަނީ ބައިވެރިވެފައެވެ. އެއީ އަކުއާފީނާ، ކުލަބު ބޮޑުރިޔާ، ގާޑިއަންސް ސްޕޯޓްސް ކުލަބު، މޯލްޑިވްސް ލައިފްގާޑު އެސޯސިއޭޝަން އެވެ. އަދި މޫދުމާލިމީ، ނިއު ލެގޫންސް ސްވިމިންގ ކުލަބު ވެސް ބައިވެރިވެފައި ވެއެވެ.

މީގެއިތުރުުން ސޯލްޓެޑް ވެންޗަރސް ސްވިމަރސް އާއި ސްޕޯޓްސް ނޭޗަރ ވެސް ވަނީ ބައިވެރިވެފައެވެ.