ވަޅިން ހަމަލާދޭން އުޅުނު މީހަކު ހައްޔަރުކޮށްފިއެވެ.

ދިވެހި ފުލުހުންގެ ހިދުމަތުން ވިދާޅުވީ ހުޅުމާލެ ފޭސް1 ގައި ތޫނު އެއްޗެއް ބޭނުންކޮށްގެން މީހަކަށް ހަމަލާދޭން އުޅުނުކަމުގެ ތުހުމަތުގައި ދިވެހި ފިރިހެނަކު ހައްޔަރުކޮށްފައިވާ ކަމަށެވެ. އަދި އެއީ އުމުރުން 33 އަހަރުގެ މީހެއް ކަަމަށެވެ.

މި ހާދިސާ ހިނގާފައި ވަނީ ނޮވެމްބަރ 22 ވަނަ ދުވަހުގެ އިރުއޮއްސި 6:30 ހާއިރު ކަމަށް ވެސް ވަނީ ވިދާޅުވެފައެވެ.

މީގެއިތުރުން އެވަގުތު އެމީހާ ހުއްޓުވަން މަސައްކަތްކޮށްފައިވާކަމަށް ފުލުހަކަށް ވެސް ތޫނު އެއްޗެއް ބޭނުންކޮށްގެން ހަމަލާދޭން މަސައްކަތްކޮށްފައިވާކަމަށް ވިދާޅުވިއެވެ.

ފުލުހުން އިތުރަށް ވިދާޅުވީ މި މައްސަލަ ތަހުގީގު ކުރަމުން އަންނަކަމަށެވެ.