ގަވާއިދާ ހިލާފަށް އުޅޭ ބިދޭސީން ހޯދުމަށް މޯލްޑިވްސް އިމިގްރޭޝަނުން މާލެއަތޮޅު ތިލަފުށީގައި ހާއްސަ އޮޕަރޭޝަނެއް ހިންގައިފިއެވެ.

އެ އިދާރާ އިން ވިދާޅުވީ މި ރެއިޑް ނުވަތަ އޮޕަރޭޝަން ހިންގާފައިވަނީ 21 ނޮވެމްބަރ ގައި ކަމަށެވެ. އަދި މި އޮޕަރޭޝަންގައި އިމިގްރޭޝަނުގެ 28 އޮފިސަރުންނާއި ފުލުހުންގެ 35 އޮފިސަރުން ބައިވެރިވި ކަމަށް ވެސް ވިދާޅުވިއެވެ.

މީގެއިތުރުން މި ރެއިޑުގައި 257 ބިދޭސީއަކު ޗެކްކޮށްފައިވާއިރު، މީގެތެރެއިން ސައްހަ ވިސާއެއް ނެތި އުޅެމުންދިއަ 33 ބިދޭސީއަކު އިމިގްރޭޝަންގެ ބެލުމުގެ ދަށަށް ގެނެސްފައިވާ ކަމަށް ވެސް ވަނީ ހާމަކުރައްވާފައެެވެ. އަދި 22 ފަރާތަކަށް ލިޔުމުން ނޯޓިސް ދީފައިވާ ކަަމަށް ވެސް ވިދާޅުވިއެވެ.

ރާއްޖޭގައި ގަވާއިދާ ހިލާފަށް އުޅޭ ބިދޭސީންގެ މައްސަލަ ހައްލުކުރުމަށް އިމިގްރޭޝަނުން ކުރައްވަމުންދާ މަސައްކަތުގެ ތެރެއިން ކޮންމެދުވަހަކު ކަހަލަގޮތަކަށް ގެންދަނީ ބިދޭސީން އުޅޭ ތަންތަން ބަލައި، ފާސްކުރަމުންނެވެ. އަދި ގަވާއިދާ ހިލާފަށް އުޅޭ ބައެއް ބިދޭސީން ގަވާއިދުގެ އިމުގެތެރެއަށް ވަނުމަށް ފުރުސަތު ވެސް ދެއެވެ.

ހަމަމިއާއެކު 5000 އަށްވުރެ ގިނަ ބިދޭސީން މިހައިތަނަށް ވަނީ ރާއްޖެ ނާދެވޭގޮތަށް ޑީޕޯޓު ވެސް ކޮށްފައެވެ.