މީޑިއާގެ މިނިވަންކަން މުށުތެރެއަށް ލުމަށް ސަރުކާރުން މަސައްކަތްކުރަމުން ގެންދާއިރު، މީޑިޔާތަކާ މެދު ރައީސް ޑރ. މުހައްމަދު މުއިއްޒު އެހާ ޖެހިލުންވާ ސަބަބެއް ވިސްނިވަޑައިނުގަންނަވާ ކަމަށް ކުރީގެ ރައީސް ޢަބްދުﷲ ޔާމީން އަބްދުލްގައްޔޫމް ވިދާޅުވެއްޖެއެވެ.

ޗެނަލް13 އަށް ދެއްވު ބަސްދީގަތުގައި އެމަނިކުފާނު ވިދާޅުވީ ކުރީގައި މީޑިޔާތަކުގައި މަސައްކަތްކުރެއްވި ބޭފުޅުން ރައީސް އޮފީހުގައި ތިއްބަވައި، އިސްވެ ގެންދަވަނީ މީޑިޔާތަކަށް ފިޔަވަޅު ނާޅައިގެން އެކި އެކި ބަހަނާ ދައްކަމުން ކަމަށެވެ.

މީގެއިތުރުން މަޖިލީހަށް ސިޓީ ފޮނުވަމުން ކަމަށާއި ރައީސް ޑރ. މުއިއްޒުގެ ފޮޓޯފުޅަށް ގޮތް ހެދުމާ އެކި އެކި ބަހަނާ ދައްކަމުން އެ ބޭފުޅުން ގެންދަވާއިރު، ރައީސް ކަމުގައި ހުންނަވާ ފާޑުކިޔުމާ ނުރުހުން އަމާޒުވި ހަމައެކަނި ރައީސަކީ ރައީސް މުއިއްޒު ނޫން ކަން ވެސް ރައީސް ޔާމީން ފާހަގަކުރެއްވިއެވެ.

ރައީސް ޔާމީން ވިދާޅުވީ މީޑިޔާގައި ކުރިން މަސައްކަތްކޮށްފައި ތިބި ބަޔަކު ނުކުމެ މީޑިޔާއަށް ފިޔަވަޅު ނޭޅިގެން އުޅޭއިރު، އެ މީހުންނަށް އެމީހުން ނުކުތް މުގޯލި ވެސް ހަނދާން ނެތް ކަމަށެވެ.