ބީއެމްއެލް 5 ވަނަ ނެޝަނަލް ކިޑްސް ސްވިމިންގ ފެސްޓިވަލްގައި އެންމެ ވިދާލި ޓީމަކަށް މޯލްޑިވްސް ލައިފްގާޑު އެސޯސިއޭޝަން ވެއްޖެއެވެ.

އެގޮތުން އެ ޓީމުން ވަނީ ކެޓަގަރީ އޭ، ބީ، ސީގެ އަންހެން އަދި ފިރިހެން އެއްވަނަ ހޯދާފައެވެ.

މި މުބާރާތުގެ އޭ ކެޓަގަރީ ފިރިހެން ދެވަނަ ކުލަބު ބޮޑުރިޔާ ހޯދިއިރު، އަންހެން ދެވަނަ ހޯދީ ނިއު ލެގޫންސްއެވެ. އަދި މިކެޓަގަރީގެ ފިރިހެން ބަޔާއި އަންހެން ބައިން ތިންވަނަ ހޯދީ މޫދު މާލިމީ އެވެ.

ބީ ކެޓަގަރީގެ ފިރިހެން ދެވަނަ ކުލަބު ބޮޑުރިޔާ އަދި އަންހެން ދެވަނަ ހޯދީ ނިއު ލެގޫންސްއެވެ. މި ކެޓަގަރީގެ ފިރިހެން ތިންވަނަ ނިއުލެގޫންސް ހޯދިއިރު، އަންހެން ތިންވަނަ ހޯދީ ކުލަބު ބޮޑުރިޔާއެވެ.

މީގެއިތުރުން ސީ ކެޓަގަރީގެ ފިރިހެން ދެވަނަ ހޯދީ ކުލަބު ބޮޑުރިޔާ އެވެ. އަންހެން ދެވަނަ ހޯދީ ނިއު ލެގޫންސްއެވެ. އަދި މި ކެޓަގަރީގެ ފިރިހެން ތިންވަނަ ނިއު ލެގޫންސް ހޯދިއިރު، އަންހެން ތިންވަނަ ހޯދީ ކުލަބު ބޮޑުރިޔާއެވެ.

މިއަހަރުގެ މުބާރާތުގައި ޖުމްލަ 8 ކުލަބުން 425 ބައިވެރިން ވަނީ ވާދަކޮށްފައެވެ. އެއީ 204 އަންހެން ބައިވެރިންނާއި 221 ފިރިހެން ބައިވެރިންނެވެ.

މި މުބާރާތުގައި ބައިވެރިވި ކުލަބުތަކަކީ އަކުއާފީނާ، ކުލަބު ބޮޑުރިޔާ، ގާޑިއަންސް ސްޕޯޓްސް ކުލަބު، މޯލްޑިވްސް ލައިފްގާޑު އެސޯސިއޭޝަން އެވެ. އަދި މޫދުމާލިމީ، ނިއު ލެގޫންސް ސްވިމިންގ ކުލަބު ވެސް ބައިވެރިވެފައި ވެއެވެ.

މީގެއިތުރުުން ސޯލްޓެޑް ވެންޗަރސް ސްވިމަރސް އާއި ސްޕޯޓްސް ނޭޗަރ ވެސް ވަނީ ބައިވެރިވެފައެވެ.