20 ވަނަ އޭސިއަން ކްލީން އެނަރޖީ ފޯރަމް (އޭސީއީއެފް) ގައި ރާއްޖެެއިން ބައިވެރިވެއްޖެއެވެ.
މި ފޯރަމްގައި ބައިވެރިވެ، ސާފު ހަކަތައަށް ބަދަލުވުމާއި ހަކަތައިގެ ދާއިރާ ދެމެހެއްޓެނިވި ގޮތެއްގައި ތަރައްގީ ކުރުމަށް ރާއްޖެއިން ދެމިހުރި ކަން ވަނީ އަލުން ކަށަވަރުކޮށްދީފައެވެ. މި ފޯރަމްގައި ދިވެހި ވަފުދުން ބައިވެރިވެ، ޕެނަލް މަޝްވަރާތަކުގައި ހަރަކާތްތެރިވެފައިވާ ކަމަށް މައުލޫމާތު ލިބިފައިވެއެވެ.
މި މަޝްވަރާތަކުގައި ރާއްޖެއިން ސާފު ހަކަތައަށް ބަދަލުވުމަށް ކުރަމުންދާ މަސައްކަތްތަކާއި، ހަކަތައިގެ ދާއިރާ ދެމެހެއްޓެނިވި ގޮތެއްގައި ތަރައްގީކުރުމަށް ގެންގުޅޭ ސިޔާސަތުތަކާ ބެހޭ ގޮތުން މައުލޫމާތު ހިއްސާކޮށްފައިވެއެވެ.
ރާއްޖެއިން މި ފޯރަމްގައި ބައިވެރިވުމުގެ މައިގަނޑު މަގުސަދަކީ ސާފު ހަކަތައިގެ ދާއިރާގައި ކުރިއަރާފައިވާ ގައުމުތަކާ ގުޅުން ބަދަހިކޮށް، އެ ގައުމުތަކުގެ ތަޖުރިބާއިން މަންފާ ހޯދުމެވެ. އަދި ރާއްޖެއިން ސާފު ހަކަތައަށް ބަދަލުވުމަށް ކުރަމުންދާ މަސައްކަތްތައް ބައިނަލްއަގުވާމީ މުޖުތަމައަށް ހާމަކުރުމެވެ.
މި ފޯރަމްގައި ބައިވެރިވުމަކީ ރާއްޖެއިން މޫސުމަށް އަންނަ ބަދަލުތަކާ ދެކޮޅަށް ކުރަމުންދާ މަސައްކަތްތަކުގެ ތެރެއިން އެއް މަސައްކަތް ކަމުގައި ބެލެވެއެވެ.
