ދިވެހިރާއްޖޭގެ ގައުމީ ޔުނިވަރސިޓީ (އެމްއެންޔޫ) ގެ ފެބްރުއަރީ އިންޓޭކް 2025 ގައި ބައިވެރިވުމުގެ ފުރުސަތު ވަނީ ހުޅުވާލައިފައެވެ.

މި ފުރުސަތު ހުޅުވައިލާފައިވާއިރު، އެ ޔުނިވަރސިޓީން އަންނައަހަރަށް ވަނީ ތަފާތު އެތައް ކޯސްތަކެއް ވެސް ހިމަނާފައެވެ.

ރާއްޖެއަށް އެންމެ ބޭނުންވާ ދާއިރާތަކުން ޒުވާނުން ބިނާކުރުމަށް އަމާޒުކޮށް، އެމްއެންޔޫ އިން ވަނީ ސަތޭކަވިއްސަށްވުރެ ގިނަ ކޯސްތަކެއް އެކުލަވައިލައިފައެވެ.

އެގޮތުން ނާސިންގ، ޓުއަރިޒަމް މެނޭޖްމަންޓް، ބިޒްނަސް އެޑްމިނިސްޓްރޭޝަން، އެކައުންޓިންގ އެންޑް ފައިނޭންސް ވަނީ ހިމަނާފައެވެ. އަދި ހޯޓިކަލްޗަރ، ކޮމްޕިއުޓަރ ސައިންސް، ބަޔޮލޮޖީ، އާޓިޓެކްޗަރަލް ޑިޒައިން ވެސް ހިމަނާފައި ވެއެވެ.

އެމްއެންޔޫ އިން ވަނީ ޕޮލިޓިކަލް އެފެއަރސް އެންޑް އިންޓަރނޭޝަނަލް އެފެއަރސް އާއި މެރިން އޮޕެރޭޝަންސް އާއި މެރިން ސައިންސް ފަދަ ތަފާތު ދާއިރާތަކުން ކުރިއަށްދިޔުމުގެ ފުރުސަތު ވެސް ހުޅުވައިލާފައެވެ.

ސެޓްފިކެޓް ލެވެލް އިން ފެށިގެން މާސްޓަރސް ޑިގްރީ ފެންވަރުގެ ކޯސްތައް ހިމެނޭހެން ހުޅުވާލެވިފައިވާ މި ކޯސްތަކާއި ގުޅޭ އިތުރު މައުލޫމާތު: https://mnu.edu.mv/

މި ކޯސްތަކަށް އޮންލައިންކޮށް ހުށަހެޅުމަށް: https://portal.mnu.edu.mv/