ޕީޕަލްސް ނޭޝަނަލް ކޮންގްރެސް (ޕީއެންސީ) ގެ އިންތިހާބުގެ ވަގުތީ ނަތީޖާ އަށް ޝަކުވާ ހުށަހެޅުމަށް ހުޅުވާލައިފިއެވެ.

އެ ޕާޓީން ބުނީ ވަގުތީ ނަތީޖާ އިއުލާނުކުރީ ވޯޓުލާ މަރުކަޒުތަކުގައި ވޯޓު ގުނައި، އެ މަރުކަޒުތަކުގައި އިއުލާންކުރި ނަތީޖާތައް ކަށަވަރު ކުރުމަށްފަހު ކަމަށެވެ.

އެހެންނަމަވެސް އެ ނަތީޖާއާމެދު ޝަކުވާއެއް އޮތްނަމަ، ހެކިތަކާއެކު އެކަމަށް ހާއްސަ ފޯމާއެކު ޝަކުވާ ހުށަހެޅޭނެ ކަމަށް ވަނީ ބުނެފައެވެ.

ޕީއެންސީން ބުނީ މި އިންތިހާބުގެ ދާއިމީ ނަތީޖާ އިއުލާނުކުރާނީ ވޯޓުފޮށިތަކުގެ ވޯޓު ކަރުދާސްތަކާއި ނަތީޖާ ޝީޓުތަކުުގެ އަސްލު ޕީއެންސީގެ ރަސްމީ އޮފީހަށް ލިބުމުން، ހުށަހަޅާ ޝަކުވާތަކަށް ރިއާޔަތްކުރުމަށްފަހު ކަމަށެވެ.

މީގެއިތުރުން ވޯޓުން ހޮވުނު މަގާމުތަކާއި ވޯޓަކާއި ނުލައި އިންތިހާބުވި މަގާމުތަކާއި މަގާމުގެ ހައިސިއްޔަތުން ކޮމިޓީގައި ހިމެނޭ މެންބަރުގެ މައްޗަށް އެކުލެވޭ ޕާޓީގެ ސްޓިއަރިންގ ކޮމިޓީތަކުން 72 ގަޑިއިރު ތެރޭގައި ވޯޓަކުން ކަނޑައަޅަންޖެހޭއިތުރު، މަގާމުތައް ކަނޑައެޅުމުގެ މަސައްކަތް ކުރިއަށްދާނީ ދާއިމީ ނަތީޖާ އިއުލާނުކުރުމަށްފަހު ކަމަށް ވެސް އެ ޕާޓީން ބުނެއެވެ.

މި ނޮވެމްބަރ މަހުގެ 23 ވީ ހޮނިހިރު ދުވަހު ބޭއްވި މި އިންތިހާބުގައި 34،904 މީހަކަށް ވޯޓުދިނުމުގެ ހައްގު ލިބިފައިވާއިރު، ވޯޓުލުން ކުރިއަށް ގެންދިޔައީ ހެނދުނު 10 ން މެންދުރފަހު 2 ޖެހުމާއި ހަމައަށެވެ. އަދި ރާއްޖޭގެ ހުރިހައި އަތޮޅެއްގައި 143 ފޮށި ބެހެއްޓިއެވެ. މި އިންތިޚާބުގައި 667 ކެންޑިޑޭޓުން ވާދަކުރިއެވެ. 

ނަތީޖާ ޝީޓު: https://pnc.mv/election

ޝަކުވާ ފޯމް: https://docs.google.com/forms/d/e/1FAIpQLSeT_cHAmBm50VngIemafHu9qbk5QFTCqE0yHhjuJiU5SAAO1A/viewform?usp=send_form