ވ. ރަކީދޫގައި ކަރަންޓުގެ ބޮޑުބަޔަކީ އިއާދަކުރަނިވި ހަކަތަ ކަމަށްވާތީ، ސްޓެލްކޯގެ މެނޭޖިންގ ޑިރެކްޓަރ ޙުސައިން ފަހުމީ އެކަން ފާހަގފަކުރައްވައި، ތައުރީފު ކުރއްވައިފިއެވެ.

'އެކްސް' ގައި ކުރެއްވި ޕޯސްޓެއްގައި އެމްޑީ ވިދާޅުވީ ސޯލާރ އިން ކަރަންޓް އުފެއްދުމުގައި އެރަށުން ބޮޑު ކާމީޔާބީއެއް ހޯދާފައިވާ ކަމަށެވެ. އަދި މިހާރުޖެނެރޭޓަރު ހިންގަނީ އެންމެ ދެ ގަޑިއިރަށް ކަމަށެވެ.

މީގެއިތުރުން މިއީ ރާއްޖޭގައި އުފައްދާ ކަރަންޓުގެ 33 އިންސައްތައަކީ އިއާދަކުރަނިވި ހަކަތަ ކަމަށް ހެއްދެވުމަށް ރައީސް ޑރ. މުޙައްމަދު މުޢިއްޒު ފަށްޓަވާފައިވާ މަސައްކަތްޕުޅަށް ލިބިގެންދިޔަ ވަރަށްބޮޑު ކުރިއެރުމެއްކަން ފާހަގަކުރެއްވިއެވެ.

"ރަކީދޫއަކީ އާބާދީ މަދު ރަށެއްނަމަވެސް ސަރުކާރުގެ މުއައްސަސާތަކަށާއި މިސްކިތަށް ބޭނުންވާ ކަރަންޓަށް ބަލައިފިނަމަ، މިއީ ހޯދުނު ވަރަށް ބޮޑު ކާމިޔާބީއެއް." ސްޓެލްކޯ އިން ފާހަގަކުރެއްވިއެވެ.

އެރަށުގެ މަޝްރޫއަކީ ސްޓެލްކޯ އިން ފަންޑު ކޮށްގެން ހިންގި ޕްރޮޖެކްޓެކެވެ. މީގޭ ކުރިން ރަކީދޫ ގައި އޭޑީބީ ގެ އެހީގާ ހިންގި ޕްރޮޖެކްޓް ގެ ޑިވެލޮޕް ކުރި އިންފްރާސްޓްރަކްޗަރ ވަނީ ބޭނުން ނުކުރެވޭ ވަރަށް ހަލާކުވެފައެވެ.