ފިއުލް ސަޕްލައި މޯލްޑިވްސް (އެފްއެސްއެމް) ގެ މެނޭޖިންގ ޑިރެކްޓަރުގެ މަގާމުން އިސްމާއިލް ސުހައިލް އިސްތިއުފާ ދެއްވައިފިއެވެ.

އޭނާ މި މަގާމުން އިސްތިއުފާދެއްވާފައި މިވަނީ، މަގާމުން ވަކިކުރަން ނިންމާފައިވާކަމުގެ އަޑުތަކެއް މީސްމީޑިއާގައި ފެތުރެމުންދަނިކޮށެވެ.

ފައިބެއަހަރުގެ ޑިސެމްބަރު މަހުގެ ތެރޭގައި އެ މަގާމަށް އައްޔަންކުރެއްވި ސުހައިލް ވަނީ މާޅޮސްމަޑުލު ކައުންސިލުގެ ސެކްރެޓްރިއޭޓްގެ މަގާމާއި ހޯމް މިނިސްޓްރީގެ އެގްޒެކެޓިވް ކޯޑިނޭޓަރުގެ މަގާމު އަދާކުރައްވާފައެވެ. އަދި އަމިއްލަ ކުންފުންޏެއް ކަމަށްވާ ގޯލްޑުކީ ޕްރައިވެޓް ލިމިޓެޑްގެ ޗީފް އޮޕަރޭޓިންގ އޮފިސަރުގެ މަގާމު ވެސް ވަނީ އަދާކުރައްވާފައެވެ.

ސުހައިލް އަކީ ގާނޫނީ ރޮނގުން މަތީ ތައުލީމު ހާސިލް ކުރައްވާފައިވާ ބޭފުޅެކެވެ. އޭނާ ވަނީ ޕީޕީއެމްގެ ޑެޕިއުޓީ ޓްރެޝަރަރގެ މަގާމާއި އެޕާޓީގެ ކައުންސިލް މެންބަރުކަން ވެސް ކުރައްވާފައެވެ.