ރައްޔިތުންގެ މަޖިލީހުގެ މިއަހަރުގެ 3 ވަނަ ދައުރުގެ ޖަލްސާތައް އިތުރު 15 ދުވަހަށް ދަންމާލަން ނިންމައިފިއެވެ.

މިކަން އިއުލާން ކުރެއްވީ މިއަދުގެ ޖަލްސާގައި ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ އެވެ.

އެގޮތުން މަޖިލިސް ރައީސް ވިދާޅުވީ މިހާރު ކުރިއަށްދާ ދައުރު މި މަހުގެ ނިޔަލަށް ހަމަވާނެ ކަމަށާއި ނަމަވެސް މި ދައުރުގައި މަޖިލީހުން ނިންމަންޖެހޭ މުހިންމު މަސައްކަތްތަކެއް ހުރުމާއެކު 15 ޑިސެމްބަރާއި ހަމައަށް އެ މުއްދަތު އިތުރުކުރަން ގަސްތުކުރައްވާކަމަށެވެ.

މަޖިލިސް ރައީސް މިގޮތަށް ނިންމެވިނަމަވެސް މިފަދަ ނިންމުމެއް ނިންމޭނީ ތަޅުމުގައި ނެގޭ ވޯޓަކުން ކަމުގައިވާތީ، މިއަދު ވޯޓު ގަޑީގައި އެކަމަށް ވޯޓަށް އެހުން އޮންނާނެކަމުގައި އެމަނިކުފާނު ވަނީ އިއުލާން ކުރައްވާފައެވެ.