ސްޓެލްކޯ އިން މާލެއަތޮޅު ހިންމަފުށީގައި ގާއިމުކުރި މީޑިއަމް ވޯލްޓޭޖް ޑިސްޓްރިބިއުޝަން ކަމިޝަންކޮށްފިއެވެ.

އެ ކުންފުނިން އެރަށުގައި އަލަށް ގާއިމު މި ވިއުގައާއިއެކު ހިންމަފުށީގެ ވޯލްޓޭޖް ޑްރޮޕްގެ މައްސަލަ ހައްލުވާނެއެވެ. އަދި އަލަށް އާބާދުވަމުންދާ ސަރަހައްދަށް ޑިސްޓްރިބިއުޝަން ނެޓްވޯކު ފުޅާކުރެވެނެއެވެ.

މީގެއިތުރުން ކަސްޓަމަރުންނަށް ހިދުމަތް ލިބިދިނުމަށް ކުރަންޖެހޭ ހޭދަ އެތައްގުނައަކުން ކުޑަ ވެގެންދާނެއެވެ. އަދި މި ނިޒާމާއިއެކު، ތިން ޑިސްޓްރިބިއުޝަން ސަބްސްޓޭޝަނެއް ގާއިމު ކުރެވި، ޑިސްޓްރިބިއުޝަން ކެޕޭސިޓީއަށް 1.5 އެމް.ވީ.އޭ. އިތުރުކުރެވިފައެވެ.