ރައްޔިތުންގެ މަޖިލީހުގެ 3 ވަނަ ދައުރުގެ ޖަލްސާތައް ޑިސެމްބަރ 15 އަށް ދަންމާލަން ފާސްކޮށްފިއެވެ.

މިގޮތަށް ފާސްކުރީ ނޮވެމްބަރ 27 ވަނަ ދުވަހު ބޭއްވި ރައްޔިތުންގެ މަޖިލީހުގެ ޖަލްސާގައެވެ.

ރައްޔިތުންގެ މަޖިލީހުގެ ގަވާއިދުގައިވާގޮތުން މަޖިލީހުގެ މި ދައުރުގެ ފަހު ދުވަހަކީ ނޮވެމްބަރު 30 ވަނަ ދުވަހެވެ. އަދި މިއީ މިއަހަރުގެ އެންމެ ފަހު ދައުރު ވެސް މެއެވެ.

އެހެންކަމުން ޖަލްސާގައި ރިޔާސަތުން ރައީސް އަބުދުއްރަހީމް ޢަބުދުﷲ ވަނީ މަޖިލީހުގެ މި ދައުރުގެ މުއްދަތު އިތުރު ކުރުމަށް ހުށަހަޅުއްވާފައެވެ. އެއީ މިދައުރުގައި ނިންމަން މުހިންމު މަސައްކަތްތަކެއް ހުރުމުންނެވެ.

ރައީސްގެ މި ހުށަހެޅުއްވުމަށް މަޖިލީހުގައި ވޯޓަށް އެއްސެވުމުން، މަޖިލީހުގެ ދައުރު ދަންމާލަން ފެންނަކަަމަށް 68 މެމްބަރުން ވަނީ ވޯޓު ދެއްވާފައެވެ.