މޯލްޑިވިއަންގެ މުވައްޒަފުންނަށް "އިންފްލައިޓް ފަޔަރ ފައިޓިންގ ޓްރެއިނިންގ" އެއް ކުރިއަށް ގެންގޮސްފިއެވެ.

މިއީ އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ފަރާތުން އެމްއެންޑީއެފް ފަޔަރ އެންޑް ރެސްކިޔު ޓްރެއިނިންގ ސްކޫލުގައި ކުރިއަށްގެންދިޔަ މި ޓްރެއިނިންގގައި އަލިފާން ރޯވާން މެދުވެރިވާ ސަބަބުތަކާއި އަލިފާން ފެތުރޭ ގޮތްތައް ވަނީ ކިޔައިދީފައެވެ.

މީގެއިތުރުން އަލިފާން ނިއްވާނެ ގޮތުގެ އަސާސީ މައުލޫމާތާއި ޢަމަލީގޮތުން އަލިފާން ނިއްވާނެ ގޮތް ދައްކައިދީ، އަލިފާން ނިއްވުމުގެ ހުނަރުތައް އުނގަންނައިދީފައިވެއެވެ.

ހަމަމިއާއެކު މޯލްޑިވިއަންގެ މުވައްޒަފުންނަށް ޢަމަލީގޮތުން އަލިފާން ނިއްވާނެ ގޮތް ވަނީ ދަސްކޮށްދީފައެވެ.

މޯލްޑިވިއަންގެ ހަތް މުވައްޒަފުން ބައިވެރިވި މި ޓްރެއިނިންގ ގައި މުދައްރިބުންގެ ގޮތުގައި ހަރަކާތްތެރިވީ އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ފަޔަރ ފައިޓަރުންނެވެ.