'އިސްލާމީ ނޫރާއި ދީނީ އަޤީދާ ދާއިރާއިން 52 ހަފްތާގެ އުސްއަލިތައް' ފޮތް ނެރެފިއެވެ.

މިއީ ރައީސުލްޖުމުހޫރިއްޔާ ޑރ. މުޙައްމަދު މުޢިއްޒުގެ ސަރުކާރަށް 52 ހަފްތާ ފުރުނުއިރު، އިސްލާމީ ކަންތައްތަކާ ބެހޭ ވުޒާރާއިން ކުރެވުނު މުހިއްމު ކަންކަން ހިމެނޭ ގޮތަށް ތައްޔާރުކުރެވުނު ފޮތެކެވެ.

މި ފޮތް ނެރެދެއްވީ ނޮވެމްބަރ 28 ވަނަ ދުވަހު ބޭއްވި ރަސްމިއްޔާތެއްގައި އިސްލާމީ މަރުކަޒުގެ އިސް އިމާމު ފަޟީލަތުއްޞައިޚް މުޙައްމަތު ލަޠީފްއެވެ.

މި ރަސްމިއްޔާތުގައި އިސްލާމިކް މިނިސްޓަރ ޑރ. މުޙައްމަދު ޝަހީމް އަލީ ސަޢީދު ވަނީ ބައިވެރިވެލައްވާފައެެވެ.

މި ފޮތުގައި ފާއިތުވެދިޔަ 52 ހަފްތާގެ ތެރޭގައި ވުޒާރާގެ އެކި ސެކްޝަންތަކުން ކުރިއަށް ގެންދިޔަ މުހިއްމު ކަންކަމުގެ ތަފްސީލީ މަޢުލޫމާތު ވަނީ ހިމަނާފައެވެ.

މީގެއިތުރުން ވަޒީރު ރާއްޖެއިން ބޭރަށް ކުރެއްވި ދަތުރުފުޅުތަކާއި، ވުޒާރާއިން އިންތިޒާމްކުރި ރާއްޖޭން ބޭރު ދަތުރުތަކުގެ މައުލޫމާތާއި، އަލަށް ނެރުނު އުސޫލުތަކާއި ވަވާއިދުތަކުގެ މައުލޫމާތު ވެސް މި ފޮތުގައި ހިމަނާފައިވާކަން ފާހަގަކޮށްލެވެއެވެ.