ޗިމްސް ޕްރީސްކޫލުގެ ދަރިވަރުން، އެމްއެންޑީއެފް ފަޔަރ އެންޑް ރެސްކިޔު ސަރވިސް، މާލެ ފަޔަރ ސްޓޭޝަނަށް ޒިޔާރަތްކޮށްފިއެވެ.

ދެ ސެޝަނަކަށް ބަހާލައިގެން އެ ސްކޫލުގެ ދަރިވަރުން މިއަދު އެ ފަޔަރ ސްޓޭޝަނަށް ކުރި ޒިޔާރަތުގައި ފުރަތަމަ ސެޝަނުގައި 18 ދަރިވަރުން އަދި ދެވަނަ ސެޝަނުގައި 27 ދަރިވަރުންނާ އެކު ޖުމުލަ 45 ދަރިވަރުން ވަނީ ޒިޔާރަތް ކޮށްފައެވެ. 

މި ސެޝަން ކުރިއަށްދިޔަގޮތް އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ކޮމަޑާންޓް، ބްރިގޭޑިއަރ ޖެނެރަލް މުޙައްމަދު އިބްރާހީމް ވަނީ ބައްލަވާލައްވާފައެވެ.

މި ޒިޔާރަތުގައި، އަލިފާނުގެ ހާދިސާތަކުން ރައްކާތެރިވުމާ ގުޅޭގޮތުން މަޢުލޫމާތުދީ، އަލިފާން ނިއްވުމުގައި ބޭނުންކުރާ ވަޞީލަތްތަކާއި އުޅަނދުތަކުގެ މަޢުލޫމާތާއި، އެ ތަކެތި ބޭނުންކުރާ ގޮތްތައް ވަނީ ދަރިވަރުންނަށް ދައްކާލާފައެވެ.