ކުޅުދުއްފުށީ ސިޓީގެ ކައުންސިލުން ގާއިމުކޮށްފައިވާ ނޮލެޖު ސެންޓަރަށް ދިރާގުން އެހީތެރިކަން ފޯރުކޮށްދީފިއެވެ.

މައުލޫމާތު ހޯދުމަށް އެހީތެރިވެދިނުމުގެ ގޮތުން ފޮތްކިޔުމާއި ކަންކަން ހިއްސާ ކުރުން ފަދަ ހަރަކާތްތަކަށް އެ ކައުންސިލުން ގާއިމުކޮށްފައިވާ މި ސެންޓަރަށް ދިރާގުން ވަނީ ކޮމްޕިއުޓަރު ސިސްޓަމްތަކަކާއި ވީޑިއޯ ކޮންފަރެންސް ބޭއްވޭ ޑިވައިސްތަކަކާއި ގިނަ އަދަދެއްގެ ފޮތް ހަދިޔާ ކޮށްފައެވެ.

މިއީ އެކުންފުނީގެ ކޯޕަރޭޓް ސޯޝަލް ރެސްޕޮންސިބިލިޓީ (ސީއެސްއާރު) ގެ ދަށުން ހަދިޔާކުރި ތަކެއްޗެެވެ.

ދިރާގުން ވިދާޅުވީ މިތަކެތި ހަދިޔާކުރީ ޓެކްނޮލޮޖީއަށް އެކްސެސިބިލިޓީ އިތުރުކޮށް، އުނގެނުމަށް ލޯބި އުފެއްދުމުގެ މަގްސަދުގައި ކަމަށެވެ. އަދި އިލްމު ހިއްސާކުރުމާއި ޑިޖިޓަލް ލިޓްރޭސީގެ ސަގާފަތެއް އާލާކުރުމަށް މަގުފަހިކޮށްދިނުމަކީ ވެސް މަގްސަދެއް ކަމަށެވެ.

މީގެ އިތުރުން އެ ސެންޓަރަކީ ފެހި, ތިމާވެއްޓާ ރައްޓެހި ތަނަކަށް ހެދުމުގެ މަގުސަދުގައި ދިރާގުގެ ޓީމުން ވަނީ 100 ގަސް ވެސް އިންދާފައެވެ.