ދެމިލިއަން ފަތުރުވެރިން ގެނައުމަށް ސަރުކާރުން ހިފާފައިވާ އަމާޒު އަންނަ މަހު ހާސިލު ކުރެވޭނެ ކަމަށް ޓޫރިޒަމް މިނިސްޓަރ އިބްރާހިމް ފައިސަލް ވިދާޅުވެއްޖެއެވެ.

އެމަނިކުފާނު ވިދާޅުވީ ސަރުކާރުގެ އެ އަމާޒު އެންމެލަސްވެގެން ޑިިސެމްބަރު 25 ގައި ހާސިލްކުރެވޭނެކަމަށް އުއްމީދުކުރައްވާ ކަމަށެވެ.

ވޯލްޑްސް ލީޑިންގ ޑެސްޓިނޭޝަން އެވޯޑް ވިދިވިދިގެން 5 ވަނަ ފަހަރު ރާއްޖެއަށް ލިބުމާއި ގުޅިގެން އެކަން ފާހަގަކުރުމަށް ބޭއްވި ހަފްލާގައި ނޫސްވެރިންނަށް މައުލޫމާތުދެއްވަމުން މިނިސްޓަރު ވަނީ މި އަމާޒު ހާސިލްވެއްޖެނަމަ، މިއީ ފަތުރުވެރިކަމުގެ މުޅިން އައު ރެކޯޑަކަށް ވާނެކަން ފާހަގަކުރައްވާފައެވެ.

މިނިސްޓަރު ވަނީ މިހާރު އެރައިވަލްސް ހުރި ވަރަށް ބަލާއިރު، ކުރިއަށްއޮތް ދުވަސްތައް ފެށުމުން ޑެއިލީ އެވްރެޖް ވަރަށް ބޮޑަށް އިތުރުވެގެންދާނެކަމަށް ބެލެވޭކަމަށާއި އެހެންވެ، އަމާޒަށް ވާސިލުުން އެއަށްވުރެ އަވަސްވުމަކީ ވެސް އެކަށީގެންވާ ކަމެއް ކަމުގައި ވިދާޅުވެފައެވެ.