އެންޖީއޯތަކުން އިސްނަގައިގެން މުޖުތަމައަށް އެހީތެރިވެދިނުމަކީ މުޖުތަމައަށް ދެވޭ ރީތި މިސާލެއް ކަމަށް އޭޑީކޭގެ މެނޭޖިންގ ޑިރެކްޓަރ އަހްމަދު އަފްޢާލް ވިދާޅުވެއްޖެއެވެ.

އަފްޢާލް މިފަދައިން ވިދާޅުވީ މަރިޔަމް ސަމާ ނުވަތަ ޓިކްޓޮކް ސަމާގެ ހިތުން ހިތަށް ޖަމިއްޔާ ރަސްމީކޮށް އިފުތިތާހްކުރުމަށް ބޭއްވި ރަސްމިއްޔާތު އިފްތިތާހުކޮށްދެއްވާ ވާހަކަ ދައްކަވަމުންނެވެ.

ވިލާ ކޮލެޖް ޤާސިމް އިބްރާހިމް ކެމްޕަސްގެ އޯޝަންވިއު ހޯލުގައި ބޭއްވި މި ރަސްމިއްޔާތުގައި އަފްޢާލް ވިދާޅުވީ މިފަދަ އެންޖީއޯތަކުން އިސް ނަގައިގެން ގިނަ ބަޔަކު ބައިވެރިވެގެން ބަޔަކަށް އެހީތެރިވެދިނުމަކީ މުޖްތަމައަށް ދެވޭ ވަރަށް ރީތި މިސާލެއްގެ އިތުރުން އެއީ ދީނީ ވަރަށް ރަނގަޅު އަހުލާގެއް ކަމަށެވެ.

މީހަކަށް މާލީ އެހީތެރިކަމެއް ލިބުމުމުގެ އިތުރުން މިފަދަ އަހުލާގީ ރިވެތި ސިފަތައް މުޖްތަމައުގެ ތެރޭގައި ނެތެމުންދާ ދަނޑިވަޅެއްގައި މިފަދަ ކަންކަން ދިރުވުމަށް ވެސް ކުރެވޭ މަސައްކަތްތަކެއްގެ ގޮތުގައި އަފްޢާލް ފާހަގަކުރެއްވިއެވެ.

މި ރަސްމިއްޔާތުގައި ހިތުން ހިތަށް ޖަމިއްޔާގެ ފައުންޑަރ އަދި ޗެއަރޕާރސަންގެ ސަމާ މީގެކުރިން ގިނަބަޔަަށް ފާހަގަވެފައިވަނީ މީގެ 10 ނޫނީ 12 އަހަރު ކުރިން ޔޫޓިއުބް ސަމާގެ ގޮތުގައެވެ. އެހެންނަމަވެސް މިހާރުގިނަބަޔަކަށް އޭނާ އެނގޭނީ ޓިކްޓޮކް ސަމާގެ ގޮތުގައެވެ.

ޓިކްޓޮކް އިންފްލުއެންސާއެއްގެ ގޮތުގައި ސަމާ ފެނިގެންދާއިރު ސަމާގެ ޚިދުމަތްތެރިކަން ވަރަށް ބޮޑަށް ފާހަގަކުރެވިގެންދާކަމާއި އަދި ސަމާގެ ހިތްވަރުން ހިތްވަރުލިބި މުޖްތަމަޢުގައި ބޭނުންޖެހިފައިވާ ފަރާތްތަކަށް އެހީތެރިވުމުގެ އިސް ސަފަށް ގިނަ ބަޔަކު ނިކުތުމަކީ އުންމީދުކުރައްވާކަމެއް ކަމުގައި ސްޓޭޓް މިނިސްޓަރު ޒުހުރުބާން ވިދާޅުވިއެވެ.

ސަމާގެ ހިތުން ހިތަށް ވަކި ހަރަކާތެއްގެ ގޮތުގައި ފެށީ މުޖްތައުގައި އެހީތެރިކަން ބޭނުންވާ ފަރާތްތަކަށް އެހީތެރިކަން ހޯދައިދިނުމަށް ފެށި ހަރަކާތެއްގެ ގޮތުގައެވެ.

ޓިކްޓޮކްގައި ލައިވް އިވެންޓްސްތަކެއްގެ ގޮތުގައި އެހީ ހޯދައިދޭ ހަރަކާތްތަކެއް ފާއިތުވި ދެ އަހަރެއްހާ ދުވަހު މެދުކެނޑުމެއްނެތި ގެންގޮސް އެކި އާއިލާތަކަށް މިލިޔަނަކަށްވުރެ ގިނަ ފައިސާގެ އެހީ މިހާތަނަށް ސަމާގެ މި ހަރަކާތުން ހޯދައިދީފައި ވެއެވެ.