ފާއިތުވެދިޔަ އެއްވެސް ސަރުކާރަކުން ނުކުރާވަރުގެ އިންވެސްޓްމެންޓުތަކެއް މިސަރުކާރުން މަސްވެރިކަމުގެ ސިނާއަތަށް ކޮށްފައިވާ ކަމަށް ޒުވާން މަސްވެރިޔާގެ ނަމުން މަޝްހޫރު ހަސަން ސާޖިން ބުނެފިއެވެ.

މީސްމީޑިއާގެ 'އެކްސް' ގައި ކޮށްފައިވާ ވީޑިއޯ ޕޯސްޓެއްގައި އޭނާ ބުނީ ފާއިތުވެދިޔަ އެމްޑީޕީ ސަރުކާރުގައި މަސްވެރިކަންކުރާ 700 އުޅަނދު އޮތްއިރު، މިހާރުއޮތީ ގާތްގަޑަކަށް 450 އޮޑި ކަމަށެވެ. އަދި އެމްޑީޕީ ސަރުކާރު ހަވާލުވިއިރު، މަސްވެރިކަންކުރާ 17000 އާއި 20000 ދެމެދުގެ މަސްވެރިން ތިބިކަމަށް ލަފާކުރެވޭ ކަމަށް ވެސް ބުންޏެވެ.

އެހެންނަމަވެސް މަސްވެރިކަން ކުރާ ދިވެހީންގެ އަދަދު މިހާރު 4000 އަށް ވެސް ނާރާ ކަމަށާއި މިއިން ވެސް އެނގިގެން މިދަނީ މަސްވެރިކަން ދުވަހެއް ދުވަހަކަށް ފަނޑުވަމުންދާތަން ކަމުގައި ސާޖިން ބުންޏެވެ.

"މިދައްކަނީ ހަމައެކަނި އެމްޑީޕީ ސަރުކާރުގެ ވާހަކައެއް ނޫން. ތެދެއް. އެމްޑީޕީ ސަރުކާރުގަ މަސްވެރިކަން އިންތިހާ އަށް ދަށަށް ދިޔަ. ހަމަކޮންމެ ފަހަރަކު ވެސް ބަރޯސާވަނީ އެއްވެސްގޮތަަކަށް މަސްވެރިކަމުގެ ސިނާއަތަށް ނުކޮށް ބަރޯސާވަނީ އެއްކަލަ ޓެކްސް ފައިސާއަށް. މަސްވެރިން ހަޅޭއްލަވަން ފެށީމަ ޓެކްސް ފައިސާ އިން ލާރިކޮޅު ދީފަ މަސްވެރިން ހައްދާލަނީ. އައިސް ނުލިބިގެން އުޅޭތީ ވެސް މަސްވެރިން ހައްދާލަނީ. ކުޑަކުޑަ އައިސްޕްލާންޓުތަކެއް ހިފައިގެން އައިސްއަޅާފަ." ސާޖިން ބުންޏެވެ.

މީގެއިތުރުން ސާޖިން ބުނީ މިހާރުގެ މަސްއޮޑިފަހަރު ބޮޑުވެގެން ގޮސް، މަސްއޮޑިއެއްގެ ތެރޭގައި މިފްކޯގެ ދެ މަސްބޯޓު ނަގާ ބޭންދޭނެ ކަމަށެވެ.

އެހެންނަމަވެސް ސާޖިން ބުނީ ފާއިތުވެދިޔަ އެއްވެސް ސަރުކާރަކުން ނުކުރާހައި، ބޮޑެތި އިންވެސްޓުތަކެއް މިދިޔަ އެއްއަހަރުގެ ތެރޭގައި ރައީސް ޑރ. މުޙައްމަދު މުޢިއްޒުގެ ސަރުކާރުގައި މަސްވެރިކަމުގެ ސިނާއަތަށް ކުރަންފަށައިފި ކަމަށެވެ.

އޭނާ ބުނީ މިއީ އެއްވެސް ގޮތެއްގައި މިދައްކަނީ ސިޔާސީ ވާހަކައެއް ނޫން ކަމަށާއި މިއީ ކޮންމެ މީހަކަށް ވެް ފެންނަން އޮތް ހަގީގަތް ކަމަށެވެ. މީގެ ކުރީގެ ސަރުކާރުތައް ނިމިގެންދިޔައީ އިހަވަންދޫ އާއި ތިނަދޫގައި މަސްފެކްޓްރީ އަޅަންކީނަމަވެސް އެކަން ނުވިކަން ފާހަގަކުރިއެވެ.

މަސްވެރިންނަށް ދާއިމީ ހައްލެއް ހޯދައިދިނުމަށް އެއްވެސް ސަރުކާރަކުން މީގެކުރިން މަސައްކަތެއް ކޮށްފައިނުވިޔަސް އެ ސިނާއަތަށް ދާއިމީ ހައްލެއް ހޯދައިދިނުމަށް މި ސަރުކާރުން ވަރަށް މަސައްކަތްކުރައްވާކަން ފާހަގަކުރިއެވެ.

އެހެންކަމުން ރައީސް ޑރ. މުޢިއްޒުއަށާއި ފިޝަރީޒް މިނިސްޓަރ ޝިޔާމް އަށް ވަނީ ޝުކުރުއަދާކޮށްފައެވެ.

Ladhu hayaathuge kanfulheh ves nethey dhw @MDPSecretariat kudhinkolhuge. @ZuvaanMasveriya mi dhakkaa vaahaka adu anhaabala ladhuge kanfulheh ves vaanama. pic.twitter.com/WLtIGysXXl

— Nafha Ismail (@Nafha1997) November 29, 2024