ދިވެހި ރައްޔިތުންގެ ޑިމޮކްރެޓިކް ޕާޓީ (އެމްޑީޕީ) އިން އަންނަ ޑިސެމްބަރ މަހު ބޮޑު ޖަލްސާއެއް ބޭއްވުމަށް ތައްޔާރުވެއްޖެއެވެ.

އެ ޕާޓީން ހާމަކޮށްފައިވާ ގޮތުގައި "ގާނޫނުއަސާސީގެ ދިފާއުގައި ރައްޔިތުންގެ" ގެ ނަމުގައި ބާއްވާ ޖަލްސާ އޮންނާނީ އަންނަ ޑިސެމްބަރ މަހުގެ 10 ވަނަ ދުވަހު ކާނިވާ ސަރަހައްދުގައެވެ.

މިއީ ގިނަ ބައެއްގެ ބުރަ މަސައްކަތުން ވުޖޫދުވި ގާނޫނުއަސާސީ އަށް ރައްޔިތުންގެ ލަފައެއް ނުހޯދައި، ބަދަލުތައް ގެންނަމުންދާތީއާއި، ސަރުކާރުން ފަރުދީ އަދި އަސާސީ މިނިވަންކަން ނިގުޅައިގަންނަމުންދާތީ އެކަމާ ދެކޮޅަށް އަޑުއުފުލުމަށް ބާއްވާ ޖަލްސާއެއް ކަމަށް އެމްޑީޕީން ބުނެއެވެ.

އެ ޕާޓީން ވަނީ މި ޖަލްސާގައި ބައިވެރިވުމަށް ރާއްޖޭގެ ހުރިހައި ރައްޔިތުންނަށް ދައުވަތު ދީފައެވެ.