ރާއްޖޭގެ މުވާސަލާތީ ހިދުމަތް ދިނުމުގައި އެންމެ ދުވަސްވީ އަދި އެންމެ ގިނަބައެެއްގެ އިތުބާރު ހޯދާފައިވާ ދިރާގުން މުޅިން އައު އިންޓަރނެޓް ޕެކޭޖުތަކެއް ތައާރަފްކޮށްފިއެވެ.

'ލިމިޓެއްނެތް' މި ނަމުގައި މި ޕެކޭޖުތައް ތައާރަފްކޮށްފައިވަނީ ނޮވެމްބަރ 31 ވަނަ ދުވަހުގެ ރޭ ދިރާގު ހެޑް އޮފީހުގައި ބޭއްވި ހާއްސަ އިވެންޓެއްގައެވެ.

މިއީ ކަސްޓަމަރުންގެ ޑިޖިޓަލް ދިރިއުޅުމަށް ފެތޭ، ލިމިޓެއްނެތި ސްޓްރީމްކޮށް، ގޭމްކުޅެ އަދި ބްރައުސްކުރުމަށް އެންމެ ފުރިހަމަ ޕެކޭޖްތަކެއް ކަމުގައި ދިރާގުން ހާމަކުރެެއެވެ.

އެގޮތުން އެ ކުންފުނީގެ ކަސްޓަމަރުންނަށް ލިމިޓެއްނެތް 20 އެމް.ބީ.ޕީ.އެސް އިން ފެށިގެން 1 ޖީބީ.އެމް.ޕީ.އެސް ފައިބަރ ބްރޯޑްބޭންޑް ޕެކޭޖްތަކާ ހަމައަށް، ކުރިއަށް ވުރެ ރަނގަޅު ފެންވަރުގެ އިންޓަރނެޓް ހިދުމަތް އެކި ސްޕީޑްތަކާއި ހުސްނުވާ ޑޭޓާ އެލަވަންސްތަކާ އެކު ލިބޭނެކަމަށް ދިރާގުން ބުނެއެވެ.

ދިރާގުގެ ޗީފް ކޮމަރޝަލް އޮފިސަރ އަލީ ރިޔާޒް ވިދާޅުވީ ރާއްޖެ ޑިޖިޓަލް ޒަމާނުގައި ކުރިއަރަމުންދާއިރު، ހުއްޓުމެއް ނެތް، ހަލުވި ސްޕީޑްގެ އިންޓަރނެޓްގެ ބޭނުން މިހާރުވަރަށްބޮޑަށް އިތުރުވެފައިވާ ކަމަށެވެ.

“ރާއްޖެ މުވާސަލާތީ ގޮތުން ގުޅުވާލައި، ޑިޖިޓަލް މުސްތަގުބަލަށް ކަސްޓަމަރުން ތައްޔާރުކުރުމަށް ދިރާގުން ވަރަށް ބޮޑު އަހައްމިއްޔަތުކަމެއް ދޭ. މި ކުންފުނިން ކުރާ ހުރިހާ ކަމެއްގައި ވެސް އެންމެ ބޮޑު އިސްކަމެއް ދެނީ މި ކުންފުނީގެ ކަސްޓަމަރުންނަށް." ރިޔާޒު ވިދާޅުވިއެވެ.

މީގެއިތުރުން ކަސްޓަމަރުންނާ ހަމައަށް އީޖާދީ، ޑިޖިޓަލް ހައްލުތައް ގެނެސްދީ، ކަސްޓަމަރުންގެ ދިރިއުޅުން އިތުރަށް ފާގަތިކުރުމަށް ދިރާގުން އަބަދު ވެސް އިސްކަންދޭކަން އޭނާ ފާހަގަކުރެއްވިއެވެ.

އަލަށް ތައާރަފްކުރި މި ޕެކޭޖްތަކާއެކު ދިރާގުން، ކަސްޓަމަރުންގެ ބޭނުންތަކަށް ކުރިއަށް ވުރެ ފެންވަރު ރަނގަޅު ހިދުމަތްތަކެއް ފޯރުކޮށްދިނުމަށް މަގުފަހިވެގެންދާއިރު، ދާދި ފަހުން ދިރާގުން ވަނީ އެންމެފަހުގެ ގްލޯބަލް ސުޕަރ-ހައިވޭ ސީ-މީ-ވީ 6 ސަބްމެރިން ކޭބަލް ލޭންޑިންގ ރާއްޖޭގައި އިފްތިތާހުކޮށްފައެވެ.

މިއާއެކު ދުނިޔޭގެ މައި އިންޓަރނެޓް އެކްސްޗޭންޖް ޕޮއިންޓްތަކާއި ޑޭޓާ ސެންޓަރުތަކަށް ރާއްޖެ ސީދާ ގުޅުވާލަދީ، ރާއްޖޭގެ ބައިނަލްއަގްވާމީ ކަނެކްޓިވިޓީ އިތުރަށް ހަރުދަނާކޮށް، ރާއްޖޭގެ އެކި ކަންކޮޅުތަކުގައި ޑިޖިޓަލް ހިދުމަތްތައް ކުރިއެރުވުމަށް މަގުފަހިވެގެންދާނެއެވެ.

ދިރާގު ފައިބަރ ބްރޯޑްބޭންޑް ނެޓްވަރކަކީ ރާއްޖޭގައި އެންމެ ހަލުވި ސްޕީޑްގައި އަދި އެންމެ ފުޅާ ދާއިރާއެއްގައި ކަވަރޭޖް ފޯރުކޮށްދޭ ނެޓްވަރކެވެ. ދިރާގުގެ އިންޓަރނެޓް ހިދުމަތް މިހާރު ވަނީ ރާއްޖޭގެ 95 އިންސައްތައަށް ވުރެ ގިނަ ގޭބީސީތަކަށް ފޯރުކޮށްދީފައެވެ.

އެ ކުންފުނިން ދަނީ ރާއްޖޭގެ ޑިޖިޓަލް ޓްރާންސްފޯމޭޝަން ދަތުރުގައި އިސްކޮށް ހަރަކާތްތެރިވެ، ރާއްޖޭގެ އެކި ކަންކޮޅުތަކުގައި އުޅޭ މީހުންގެ ދިރިއުޅުން މުއްސަނދިކޮށްދޭ އިނޮވޭޓިވް ސޮލިއުޝަންތައް އުފައްދައި، ޑިޖިޓަލް މުޖުތަމައުތައް ބާރުވެރިކުރުވުމަށް މަސައްކަތްކުރަމުންނެވެ.