ރާއްޖޭގެ ހުރިހައި ހިސާބަކަށް ހުދު ސަމާލު ނެރެފިއެވެ.

މޫސުމާއިބެހޭ ގައުމީ އިދާރާ އިން ނެރުނު ސަމާލުގައިވަނީ ގަޑިއަކު 19 މޭލާއި 24 މޭލަށް ވައި ގަދަވާނެ ކަމަށް ލަފާކޮށްފައެވެ. އަދި ކަނޑުތައް ވެސް ގަދަވާނެކަމަށް ލަފާކޮށްފައި ވެއެވެ.

އެ އިދާރާ އިން ނެރެފައިވާ މޫސުމީ ބުލެޓިންގ ގައި ވަނީ ދެކުނުގެ އެކިހިސާބުތަކަށް ވިއްސާރަކުރާނެ ކަމަށާއި ބައެއް ރަށްތަކަށް ގުގުރުމާއެކު ވާރޭ ވެހޭނެކަމަށް ލަފާކޮށްފައެވެ. އަދި އެހެން ހިސާބުތަކަށް ކެރީގެ އަސަރުކުރާނެކަމަށް ލަފާކޮށްފައި ވެއެވެ.

މީގެއިތުރުން ކުރިއަށްއޮތް 24 ގަޑިއިރު ރާއްޖޭގެ ދެކުނުގެ އެކި ހިސާބުތަކަށް ވިއްސާރަކުރާނެ ކަމަށާއި އެހެންކަމުން ކަނޑު ދަތުރުކުރާ ފަރާތްތަކުން މޫސުމަށް ސަމާލުވުމަށް ވަނީ އިލްތިމާސްކޮށްފައެވެ.