އުރީދޫ މޯލްޑިވްސްގެ ކަސްޓަމަރުންނަށް ހާއްސަކޮށް ހުޅުވާލައިގެން، ދޯހާ މެރެތަންގައި ދުވުމުގެ ދެ ފުރުސަތު ލިބޭ ލަކީ ޑްރޯ ގެ ނަސީބުވެރިން އިއުލާނުކޮށްފިއެވެ.

އަންނަ 2025 ވަނަ އަހަރުގެ ޖަނަވަރީ 17 ގައި ގަތަރުގައި އޮންނަ ދޯހާ މެރެތަންގައި ދުވުމަށް ހޮވިފައިވަނީ މުހައްމަދު އަޒްހަދު އަހުމަދު އަދި ތޯރިގު މުހައްމަދެވެ.

މިލަކީ ޑްރޯގައި ބައިވެރިވުމަށްޓަކައި އުރީދޫ ވެބްސައިޓު މެދުވެރިކޮށް 26 އޮކްޓޯބަރ އިން 26 ނޮވެމްބަރ 2ދުވަހުގެ ރޭ 11:59 އާއި ހަމައަށް ފުރުސަތު ހުޅުވައިލިއެވެ.

އެ ފުރުސަތުގައި ބައިވެރިވުމުގެ ފުރުސަތު ހުޅުވައިލާފައިވަނީ އުރީދޫ މޯލްޑިވްސްގެ ކަސްޓަމަރެއްގެ ގޮތުގައި މަދުވެގެން 1 އެއްއަހަރު ދުވަހުހުރުން ނުވަތަ ލަސްވެގެން 1 އޮކްޓޯބަރ 2023 އިން ފެށިގެން އެ ކުންފުނީގެ ކަސްޓަމަރަކަށްވުމެވެ.

މީގެއިތުރުން ދޯހާ މެރެތަންގައި ހާފް މެރެތަންއެއް ނުވަތަ މެރެތަންއެއް ދުވުމުގެ ގާބިލްކަން ސިއްހީ ގޮތުން ހުރުމާއި މީގެ ކުރިން ހާފް މެރެތަންއެއް ނުވަތަ މެރެތަންއެއް ދުވެފައިވުން ހިމެނެއެވެ. އަދި އެގައުމަށް އެތެރެވުމުގެ ޝަރުތުތައް ފުރިހަމަވާ ދިވެހި ޕާސްޕޯޓެއް އޮތުން ވެސް ހިމެނެއެވެ.