އުރީދޫ މޯލްޑިވްސްގެ ސުޕަރނެޓްގެ ހިދުމަތް އަޕްގްރޭޑްކޮށް ކަސްޓަމަރުންނަށް އުފާވެރި ޚަބަރެއް ގެނެސްދީފިއެވެ.

އެ ކުންފުނިން ހާމަކޮށްފައިވާ ގޮތުގައި އަޕްގްރޭޑާއެކު ކަސްޓަމަރުންނަށް އަންލިމިޓެޑް އިންޓަރނެޓް މިހާރުލިބޭނެއެވެ.

އެހެންވެ، އުރީދޫ އިން ވަނީ ލިމިޓުގެ ކަންބޮޑުވުންތަކާއި ދުރުވެ، 1ޖީބީޕީއެސް އާ ހަމައަށް ސްޕީޑާއެކު މެދުނުކެޑި ކަނެކްޓިވިޓީ އަށް މަރުހަބާ ކިޔާފައެވެ.

މި ސުރޕަނެޓް އަންލިމިޓެޑް ޕްލޭންތައް ތައާރަފްކުރުމާއެކު އެ ކުންފުނިން ވަނީ ރާއްޖޭގައި އިންޓަރނެޓްގެ ހިދުމަތަށް އައު މިންގަނޑެއް ކަނޑައަޅައި، އެންމެންގެ އަތްފޯރާ ފަށަށް އަންލިމިޓަޑް އިންޓަރނެޓް ފޯރުކޮށްދީފައެވެ.

އުރީދޫ އިން ބުނީ މި ބަދަލާއެކު އެއްވެސް ހުރަހެއް ނެތި މުޅި ދުވަހު ސްޓްރީމް ކުރުމާއި އަލްޓްރާ-ލޯ ލެޓެންސީއާއެކު މެދުކެނޑުމެއް ނެތި ގޭމް ކުޅެވޭނެ ކަމަށެވެ. މީގެއިތުރުން ބްރައުޒްކުރުމާއި، މަސައްކަތްކުރުމާއި، ކިޔެވުމާއި އެއްވެސް ހުރަހެއް ނެތި ގުޅައިލެވޭނެ ކަމަށް ވެސް ހާމަކުރެއެވެ.

ސުޕަރނެޓް އަންލިމިޓެޑް ޕްލޭންތަކުގެ ތެރޭގައި 25 އެމްބީޕީއެސް އިން ފެށިގެން 1ޖީބީޕީއެސް އާ ހަމައަށް ބާރު ސްޕީޑް ހިމެނެއެވެ. އަދި މި އިތުރު ފައިދާތަކާއެކު ކަނެކްޓެޑް ޑިވައިސްތަކުގެ ފުރިހަމައަށް ބޭނުންކުރެވޭނެއެވެ.

ފިލްމް މެރެތަންއަކަށް ވިޔަސް، އޮންލައިން ގޭމިންގ ސެޝަނެއް ވިޔަސް، ވޯކް ފްރޮމް ހޯމް ސެޓަޕެއް ކަމުގައި ވިޔަސް، އުރީދޫގެ ސުޕަރނެޓް އަންލިމިޓެޑް ޕްލޭންތަކުން މިހާރު ކަސްޓަމަރުންނަށް ހަގީގަތުގައި އަންލިމިޓެޑް އިންޓަރނެޓް ގެ ތަޖުރިބާ ލިބޭނެކަން އެ ކުންފުނިން ވަނީ ކަށަވަރުކޮށްދީފައެވެ.

އުރީދޫ މޯލްޑިވްސް އަކީ ކަސްޓަމަރުން އެންމެ ފުރިހަމަ ޑިޖިޓަލް ތަޖުރިބާތައް ފޯރުކޮށްދިނުމަށް މަސައްކަތްކުރާ ކުންފުންޏެކެވެ.

ހަގީގަތުގައި ވެސް އަންލިމިޓެޑް ސުޕަރނެޓް ޕްލޭންތައް އިތުރު ސްޕީޑްތަކަކާއެކު ހުށަހެޅުމަކީ އުރީދޫ އިން ހަމައެކަނި އުންމީދުތައް ހާސިލްކުރާ ކަމެއް ނޫނެވެ. އެ ކުންފުނިން ދަނީ ރާއްޖޭގެ އިންޓަރނެޓު ހިދުމަތަށް އިތުރު ފުރިހަމަ ކަމެއް ގެނެސްދެމުންނެވެ.

އެގޮތުން މި އަޕްގްރޭޑުން ވެސް ދައްކުވައިދެނީ ރާއްޖޭގެ އެންމެ ރަނގަޅު ނެޓްވޯކްގައި މެދުނުކެނޑި ކަނެކްޓިވިޓީ ފޯރުކޮށްދިނުމަށް ކުރަމުންދާ މަސައްކަތެވެ. އުރީދޫ މޯލްޑިވްސް އިން ދަނީ ޒަމާނީ ފެންވަރުގެ އިންޓަރނެޓް ސޮލިއުޝަންތައް ފޯރުކޮށްދިނުމުގައި އިސްކޮށް ހަރަކާތްތެރިވެ، ކަސްޓަމަރުންނަށް އެއްވެސް ލިމިޓަކާ ނުލައި ގުޅާލެވިގެން ތިބުމުގެ މަގު ފަހިކޮށްދެމުންނެވެ. އޭގެ ހެއްކަކީ ސުޕަރނެޓް އަންލިމިޓެޑްގެ މިނިވަންކަން މިއަދު ތަޖުރިބާ ކުރުމެވެ.