ޗައިނާ އިން މާލެއަތޮޅު ގުރައިދޫ އަށް 100 ސޯލާ މަގުބައްތި ހަދިޔާކޮށްފިއެވެ.

މިއީ ޗައިނާ ސަރުކާރުގެ އިސްނެގުމާއެކު ހަދިޔާކުރި މަގު ބައްތިތަކެކެވެ. މި ބައްތިތައް ހަވާލުކޮށްދެއްވީ ޗައިނާއިން ރާއްޖެއަށް ކަނޑައަޅުއްވާފައިވާ ސަފީރު ވާން ލިޒިންއެވެ. ދިވެހި ސަރުކާރުގެ ފަރާތުން މި ތަކެއްޗާ ހަވާލުވެވަޑައިގަތީ މިނިސްޓްރީ އޮފް ސިޓީސް، ލޯކަލް ގަވަމަންޓް އެންޑް ޕަބްލިކް ވަކްސް އާދަމް ޝަރީފު އުމަރެވެ.

މިނިސްޓަރު ވިދާޅުވީ މިއީ ޗައިނާ ސަފީރު ގުރައިދޫ އަށް ކުރެއްވި ޒިޔާރަތެއްގެ ތެރެއިން ހަމަޖެހުނު މަގުބައްތިތަކެއް ކަމަށެވެ.

ޗައިނާ ސަފީރު ވިދާޅުވީ މިއީ ރާއްޖެއާއި ޗައިނާއާ ދެމެދު އޮތީ ޒަމާންވީ ގުޅުމެއް ކަމަށާއި އެގައުމުން އަބަދު ވެސް މަސައްކަތްކުރާނީ ދިވެހީންނަށް ބޭނުންވާ ލުއިފަސޭހަ ގޮތްތައް ހޯދައިދިނުމަށް ކަމަށެވެ.

ސްޓޭޓް މިނިސްޓަރު މޫސާ ފަތުހީ އާދަމް ވިދާޅުވީ ދިވެހި ސަރުކާރުން އަބަދު ވެސް މަސައްކަތްކުރަނީ ކައުންސިލްތަކަށް ކުރިމަތިވެފައިވާ ދަތިތަކަށް ލުއި ގޮތްތައް ހޯދައިދިނުމަށް ކަމަށެވެ.