އޮފީސް ލީގު ފުޓްސަލް މުބާރާތެއް ބޭއްވުމަށް ނިންމައިފިއެވެ.

ބިގް ގޭމް މޯލްޑިވްސް އިން އިންތިޒާމުކޮށްގެން މި މުބާރާތް ބާއްވަނީ ރާއްޖޭގެ ކުންފުނިތަކަށް އަމާޒުކޮށްގެންނެވެ.

"އޮފީސް ލީގު" ގެ ނަމުގައި މި މުބާރާތް ބޭއްވުމަށް މިހާރުތާވަލުކޮށްފައިވަނީ އަންނަ 2025 ވަނަ އަހަރުގެ އޭޕްރިލް މަހުގައެވެ.

މާލެ އާއި ހުޅުމާލޭގައި ކުޅުމަށް ހަމަޖައްސާފައިވާ މި މުބާރާތުގައި ބައިވެރިވުމުގެ ފުރުސަތު ލިބޭނީ އޮފީސްތަކާއި ކުންފުނިތަކަށް އެކަނިކަމަށް ބިގް ގޭމްސް އިން ބުނެއެވެ. އަދި މި މުބާރާތުގައި ޖުމްލަ 32 ޓީމު ބައިވެރިކުރުމަށް ނިންމާފައިވާއިރު، 63 މެޗު ކުޅުމަށް ވަނީ ނިންމާފައެވެ.

ޗެމްޕިއަންކަން ހޯދާ ޓީމަކަށް 100،000 ރުފިޔާ ދިނުމަށް ވަނީ ނިންމާފައެވެ.