ބިރުވެރި ކޮމެޑީ ފިލްމު "ބިބީ" ގެ ފަހު ދެ ޝޯވ މި ހިނގާ ޑިސެމްބަރ މަހު އެޅުވުމަށް ނިންމައިފިއެވެ.

ޑާކް ރެއިން އެންޓަރޓެއިންމެންޓުން ހާމަކޮށްފައިވާ ގޮތުގައި މި ދެ ޝޯވ ބޭއްވުމަށް ނިންމާފައިވަނީ މި މަހުގެ 19 އަދި 20 ވަނަ ދުވަހުގެ ރޭ އޮލިމްޕަސް ސިނަމާގައެވެ.

މި ފިލްމުގެ ލީޑު ތަރިންނަކީ ޝަރަފް އަބްދުﷲ (ޝަރައްޕެ) އާއި މަރިޔަމް މަޖުޖާ (މަޖޫ) އެވެ. މިއީ މި ދެފަންނާނުން އެކުގައި ފެންނަ ފުރަތަމަ ފީޗަރ ފިލްމެވެ.

މީގެއިތުރުން ޝީލާ ނަޖީބު، އަހުމަދު ސައީދު، އަބްދުﷲ ޝާފިއު (ފުބޫ)، އަހުމަދު ޝާކިރު (ޝާއްކޮ އައްމަޑޭ)، މަލީހާ ވަހީދު، ޝުހާ، އާދަމް ރިޒްވީ، ސާމީ، އަމަން ހާޒިފު އަދި މަރިޔަމް ހަލީމް ވެސް މި ފިލްމުގައި މުހިންމު ރޯލުތައް އަދާކޮށްފައި ވެއެވެ. އަދި ހާއްސަ ފެނިލުމަކުން ކުރީގެ މަޝްހޫރު ތަރި ލެޖެންޑް އެކްޓަރ އިސްމާއިލް ވަޖީހު ވެސް ފެނެއެވެ.

ކުޅަދާނަ ޕްރެޒެންޓަރ (އާރްޖޭ) ޝަހުދާ މަހްމޫދު (ޝަހޫ) ގެ ސްކްރީން ޕްލޭއަކަށް އޭނާ ޑައިރެކްޓުކޮށްފައިވާ ބިބީގެ މޭކަޕް އާޓިސްޓަކީ ސޭންޑީ އެވެ.

އާއިޝަތު ފުއާދު އާއި މުހައްމަދު އަލީ (މޮގަ) ޕްރޮޑިއުސްކޮށްފައިވާ މި ފިލްމުގެ ޓިކެޓު ހޯދުމަށް ގުޅަންޖެހެނީ 9911229 ނަމްބަރަށެވެ.