މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) ގެ ސީއީއޯގެ މަގާމަށް ރާއްޖެއިން ބޭރުގެ ބޭފުޅެއް އައްޔަންކޮށްފިއެވެ.

އެމަގާމަށް އައްޔަންކޮށްފައިވަނީ ޔޫކްރެއިންގެ ޑރ. ވިތާލީ ލުބިމޮފްއެވެ. މިއީ އެ ކުންފުނީގެ ތާރީހުގައި ސީއީއޯގެ މަގާމަށް ރާއްޖެއިން ބޭރުގެ ފަރާތެއް އައްޔަންކުރި ފުރަތަމަ ފަހަރެވެ.

މައުލޫމާތު ލިބިފައިވާ ގޮތުގައި ވިޔަފާރީގެ ދާއިރާގައި 20 އަހަރުގެ ތަޖުރިބާ ލިބިވަޑައިގަންނަވާފައިވާ ޑރ. ވިތާލީ މާދަމާ ރަސްމީކޮށް މަސައްކަތާ ހަވާލުވެވަޑައިގަންނަވާނެއެވެ.

މިފްކޯގެ ސީއީއޯގެ މަގާމުގައި ހުންނެވި އަޙްމަދު ޝަމާހު ރަޝީދު އެމަގާމުން ވަކިކޮށްފައިވަނީ މެއި މަހުގެ ތެރޭގައެވެ. އަދި އެމަގާމަށް މީހަކު ހޯދުމަށް ދެފަގަރެެއްގެ މަތީން އިއުލާނު ވެސް ކުރިއެވެ.

މިފްކޯގެ ސީއީއޯގެ މަގާމަށް ޑރ. މިތާލީ އައްޔަންކުރެއްވިކަން ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން ރަސްމީކޮށް އިއުލާންކުރައްވާފައެއް އަދިނުވެއެވެ.