ދުނިޔޭގެ އެންމެ ބޮޑު އާޔުރްވެދާ ވެލްނެސް ބްރޭންޑް ކަމަށްވާ ސްޕާ ސިލޯން ކްލަބް ޕްރިމިއަރ ޕާޓްނަރެއްގެ އުރީދޫ މޯލްޑިވްސްގެ ކްލަބް ޕްރިމިއަރ އާ ގުޅިއްޖެއެވެ.

މި ޕާޓްނަރޝިޕާއެކު އުރީދޫ ކްލަބް ޕްރިމިއާގެ މެމްބަރުންނަށް ސްޕާ ސިލޯނުގައި އެކްސްކްލޫސިވް ފައިދާތަކެއް ލިބި، އެ ފަރާތްތަކުގެ ދުޅަހެޔޮކަމާއި ލުއިކަމުގެ ތަޖުރިބާތައް އިތުރުކުރެވޭނެއެވެ.

މިއީ އުރީދޫގެ އެންމެ ހާއްސަ ކަސްޓާމަރުން ކަމަށްވާ ކްލަބް ޕްރިމިއަރ މެންބަރުންނަށް ތަފާތު އަގުހުރި ޕްރިމިއަމް ތަޖުރިބާތައް ފޯރުކޮށްދިނުމަށް އުރީދޫއިން ކުރަމުން އަންނަ މަސައްކަތުގެ ދަށުން ކުރިއަށްގެންދާ ޕާޓްނަރޝިޕެކެވެ.

ސްޕާ ސިލޯންގެ މަޝްހޫރު އާޔުރްވެދިކް އަދި ވެލްނެސް ޕްރޮޑަކްޓްތަކާ އެކު، ރާއްޖޭގައި އަލަށް ހުޅުވި ސްޕާ ސިލޯން އައުޓްލެޓުން މިހާރު މެމްބަރުންނަށް ޕްރޮޑަކްޓްތަކާ ގުޅޭ ހާއްސަ އޮފާތަކެއް ލިބޭނެ އެވެ. މިގޮތުން އުރީދޫ ކްލަބް ޕްރިމިއަރ ކަސްޓާމަރުންގެ ތެރެއިން ގޯލްޑް މެމްބަރުންނަށް 10% އަދި ޕްލެޓިނަމް ކަސްޓަމަރުންނަށް 15 އިންސައްތަ ޑިސްކައުންޓް ލިބިގެންދާނެއެވެ.

އުރީދޫ ހެޑްކުއާޓަރސް ގައި ބޭއްވި ރަސްމިއަޔާތުގައި ހާއްސަ ޕްރޮމޯޝަނެއް ވެސް ވަނީ އުރީދޫއިން އިއުލާނުކޮށްފައެވެ. ގޯ ޕްލޭ މާކެޓް 25 ޑިސެމްބަރ ގެ ކުރިން އެކްޓިވޭޓް ކޮށްގެން 10 ފަރާތަކަށް ސްޕާ ސިލޯނުން ޑިސްކައުންޓް ވައުޗަރ ލިބުމުގެ ފުރުސަތު ލިބިގެންދާނެއެވެ. މީގެ ތެރޭގައި 1000ރ އަދި 500ރ ގެ ޑިސްކައުންޓް ވައުޗަރ ހިމެނެއެވެ.

ލަގްޒަރީ އާޔުރްވެދާ ގެ ތަޖުރިބާގެ ސަބަބުން ދުނިޔޭގެ ފެންވަރުގައި ބަލައިގެންފައިވާ ސްޕާ ސިލޯން އަކީ ސްރީލަންކާގެ ޒަމާންވީ ފަރުވާގެ އާދަކާދަތަކާއި އެންމެ މޮޅު މާއްދާތަކާއި ޒަމާނީ ދުޅަހެޔޮކަމުގެ އާދަތަކަށް ބައްޓަންކޮށް އެކި ޕްރަޑަކްޓްތައް އުފައްދާފައިވާ ބްރޭންޑެކެވެ. މި ޕާޓްނަރޝިޕާއެކު ކްލަބް ޕްރިމިއާގެ މެންބަރުންނަށް އެންމެ ފެންވަރު ރަނގަޅު ޕްރޮޑަކްޓްތައް ތަޖުރިބާ ކުރުމުގެ ފުރުސަތު ލިބިގެން ދާނެއެވެ.

އުރީދޫ ކްލަބް ޕްރިމިއަރ އަކީ އުރީދޫގެ އެންމެ ވަފާތެރި ކަސްޓަމަރުންގެ ތަޖުރިބާ އިތުރަށް ފުރިހަމަކުރުމަށްޓާކައި ފަރުމާކޮށްފައިވާ ލޯޔަލްޓީ ޕްރޮގްރާމެކެވެ. ކްލަބް ޕްރިމިއާ މެދުވެރިކޮށް މެންބަރުންނަށް ހާއްސަ އިނާޔަތްތަކާއި ޑިސްކައުންޓްތަކާއި ޕްރިމިއަމް ލައިފްސްޓައިލް ގެ ތަޖުރިބާތައް ލިބެއެވެ.

ގޯޕްލޭ މާކެޓާކީ ހިލޭ ބޭނުންކުރެވޭ އޯޓީތީ ޕްލެޓްފޯމެކެވެ. ގޯޕްލޭ މާކެޓް އެކްޓިވޭޓް ކުރުމަށް:

https://ore.do/goplaymarketmv