މޯލްޑިވްސް ސޮސައިޓީ ފޯރ ޕާރފޯމިން އާޓްސް (އެމްއެސްޕީއޭ) އިން ފިލްމީ ދާއިރާގެ ފަރާތްތަކަށް ހުޅުވާލައިގެން ހާއްސަ ސެޝަނެއް ބޭއްވުމަށް ނިންމައިފިއެވެ.

އެފަރާތުން 'އޮއިވަރު' އަށް ވިދާޅުވީ މި ސެޝަން އޮންނާނީ ޑިސެމްބަރ 13 ވާ ހުކުރު ދުވަހު (މިއަދު) ކަމަށެވެ. މިއީ ފިލްމީ ދާއިރާގައި މަސައްކަތްކުރާ ފަރާތްތަކަށާއި އެ ދާއިރާ އަށް ޝައުގުވެރިކަންހުރި ފަރާތްތަކަށް ވެސް ހުޅުވާލާފައިވާ ސެޝަނެއް ކަމަށް ވިދާޅުވިއެވެ.

ނެޝަނަލް ސެންޓަރ ފޮ ދި އާޓްސް (އެންސީއޭ) ގެ އެހީތެރިކަމާއެކު ކުރިއަށްގެންދާ މި ސެޝަން އޮންނާނީ އޮލިމްޕަސް ތިއޭޓަރުގައި ކަމަށާއި ފަށާނީ މެންދުރުފަހު 2:30 ގައި ކަމަށް ވެސް އެމްއެސްޕީއޭ އިން ވަނީ ހާމަކުރައްވާފައެވެ.

އެފަރާތުން އިތުރަށް ވިދާޅުވީ މި ސެޝަން ނަންގަވައިދެއްވާނީ ދާއިރާ އިން ތަޖުރިބާ ހޯއްދަވާފައިވާ އިންޑިއާގެ ދެ ބޭފުޅުން ކަމުގައިވާ އަމިތް އަގަރަވާލް އާއި ހާރޝް ކުމާރު ކަމަށެވެ. އަދި މި ސެޝަންގައި ފިލްމު ހެދުމާއި ޑައިރެކްޓުކުރުން ފަދަ ކަންކަމުގެ މައުލޫމާތު ފޯރުކޮށްދިނުމަށް ނިންމާފައިވާ ކަަމަށް ވެސް ވިދާޅުވިއެވެ.