ރާއްޖެއަށް މެޑިކަލް ޓޫރިޒަމް ތައާރަފުކުރުމަށް މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) އާއި އޭޑީކޭ ހޮސްޕިޓަލް އެއްބަސްވެ، ފަހުމުނާމާއެއްގައި ސޮއިކޮށްފިއެވެ.

ޑިސެމްބަރ 12 ވަނަ ދުވަހު ބޭއްވި ރަސްމިއްޔާތެއްގައި މި ފަހުމުނާމައިގާ އެމްއެމްޕީއާރްސީގެ ފަރާތުން ސޮއި ކުރެއްވީ މެނޭޖިންގ ޑިރެކްޓަރު އިބްރާހީމް ޝިއުރީ އެވެ. އޭޑީކޭ ހޮސްޕިޓަލުގެ ފަރާތުން ސޮއި ކުރެއްވީ އެ ހޮސްޕިޓަލުގެ މެނޭޖިންގ ޑިރެކްޓަރ އަހުމަދު އަފްއާލު އެވެ.

މި ފަހުމުނާމާގެ ދަށުން މެޑިކަލް ޓޫރިޒަމާއެކު ސިއްހީ ދާއިރާއާއި ފަތުރުވެރިކަމުގެ ދާއިރާ ސިންދަފާތު ކުރުމަށް މަސައްކަތް ކުރުމަށް ނިންމާފައިވާއިރު، އޭޑީކޭގެ އެމްޑީ އަފްއާލް ވިދާޅުވީ ސިއްހީ ހިދުމަތް ދޭ މީހުންނާ އެއްކޮށް އެކަން ކުރުމުން ރާއްޖޭގައި މެޑިކަލް ޓޫރިޒަމް ފުޅާކުރުމަށް ވަރަށް ބޮޑަށް ފުރުސަތުތަކެއް ލިބިގެންދާނެ ކަމަށެވެ.