ހދ. ކުރިނބީގެ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބު ވެރިކަންކުރާ ޕާޓީ، ޕީއެންސީން ކާމިޔާބުކޮށްފިއެވެ.

ޑިސެމްބަރ 14 ވަނަ ދުވަހު ބޭއްވި މި އިންތިހާބު ބާއްވާފައިވަނީ މާލެއާއި ކުރިނބީގައެވެ. މި އިންތިހާބުގައި ވޯޓުލާފައިވަނީ 327 މީހުން ކަމަށް އިލެކްޝަންސް ކޮމިޝަންގެ ތަފާސްހިސާބުތަކުން ދައްކައެވެ.

މި އިންތިހާބު ކާމިޔާބުކުރި ޕީއެންސީގެ ކެންޑިޑޭޓުންނަކީ ފާތުމަތު ނާފިޒާ އިސްމާއިލް އާއި އީނާސް އާދަމް އަދި ރާނިޔާ މުހައްމަދެވެ. ނާފިޒާއަށް 165 ވޯޓު ލިބުނުއިރު، އީނާސް އަށް ލިބުނީ 163 ވޯޓެވެ. އަދި ރާނިޔާއަށް ލިބުނީ 164 ވޯޓެވެ.

ޕީއެންސީން މި އިންތިހާބު ކާމިޔާބުކޮށްފައި މިވަނީ އެމްޑީޕީގެ ކެންޑިޑޭޓުން ކަމުގައިވާ ފާތުމަތު ޝައިނާ އާއި އިފާގާ އާދަމް އަދި ފިރާޝާ އަލީ އާ ވާދަކޮށްގެންނެވެ.