ވިސާނެތި ރާއްޖޭގައި 12 އަހަރު އުޅުނު އާއިލާއެއް ފުރުވާލުމުގެ މަސައްކަތް މޯލްޑިވްސް އިމިގްރޭޝަނުން ފަށައިފިއެވެ.

މިކަން ހާމަކުރީ އިމިގްރޭޝަން ކޮންޓްރޯލަރ މުޙައްމަދު ޝަމްޢާން ވަހީދު 'އެކްސް' ގައި ކުރެއްވި ޕޯސްޓެއްގައެވެ.

އެ ޕޯސްޓުގައި ވިދާޅުވެފައިވަނީ ރާއްޖޭގެ އިމިގްރޭޝަންގެ ގާނޫނާ ޚިލާފަށް ފްރާންސަށް ނިސްބަތްވާ 6 މީހުންގެ ޢާއިލާއެއް ރާއްޖޭގައި ދިރިއުޅެމުންދާ ކަމުގެ މައުލޫމާތު ލިބިފައިވާ ކަމަށެވެ.

'އިމިގްރޭޝަން ވޮޗް' އަށް މި މައުލޫމާތު ލިބުނީ ޖުލައި 18 ވަނަ ދުވަހު ކަމަށާއި މައުލޫމާތު ލިބުމާއި ގުޅިގެން، އެ މައްސަލަ އެ އިދާރާއިން ބަލަންފެށިކަމަށް ވިދާޅުވިއެވެ.

މީގެއިތުރުން އެ މައްސަލަ ބެލުމަށްފަހު އޮކްޓޫބަރު 23 ވަނަ ދުވަހު އެ މައްސަލާގައި ހިމެނޭ އިސްފަރާތް އެ އިދާރާއަށް ހާޟިރުކޮށް ބެލިއިރު، އެ ފަރާތްތަކުގެ ޕާސްޕޯޓުގެ މުއްދަތު ހަމަވެފައިވާ ކަމަށް ވެސް ވިދާޅުވެފައި ވެއެވެ.

ޝަމްޢާންގެ ޕޯސްޓުގައި އިތުރަށް ވިދާޅުވީ މި އާއިލާ ރާއްޖެއިން ފުރުވާލުމަށް ބޭނުންވާ ޓްރެވަލް ޑޮކިއުމަންޓު ހޯދުމުގެ މަސައްކަތް ފޮރިން މިނިސްޓްރީ އާ ގުޅިގެން ކުރަމުންދާ ކަމަށެވެ. އަދި މި ފަރާތްތަކުގެ ޓްރެވަލް ޑޮކިއުމަންޓް ލިބުނުހާ އަވަހަކަށް ފުރުވާލުމަށް ނިންމާފައިވާ ކަމަށް ވެސް ވިދާޅުވިއެވެ.

އިމިގްރޭޝަން ގާނޫނާ ހިލާފަށް ރާއްޖޭގައި އުޅުމަށް އެއްވެސް ފަރާތަކަށް ފުރުސަތެއް ނުދެވޭނެ ކަމަށް ވެސް އިމިގްރޭޝަން ކޮންޓްރޯލަރ ވިދާޅުވިއެވެ.

ދިވެހިރާއްޖޭގެ އިމިގްރޭޝަންގެ ޤާނޫނާ ޚިލާފަށް ފްރާންސަށް ނިސްބަތްވާ 6 މީހުންގެ ޢާއިލާއެއް ރާއްޖޭގައި ދިރިއުޅެމުންދާ ކަމުގެ މައުލޫމާތު 'އިމިގްރޭޝަން ވޮޗް' އަށް 18 ޖުލައި 2024 ވަނަ ދުވަހު ލިބުމާއި ގުޅިގެން، އެ މައްސަލަ މި އިދާރާއިން ބެލުމަށްފަހު 2024 އޮކްޓޫބަރު 23 ވަނަ ދުވަހު އެ…

— Mohamed Shamaan Waheed (@ShamaanW) December 15, 2024