އެމްޕަވަރިންގ ވިމެން އެންޓަޕްރެނަރސް ތްރޫ ޑިޖިޓަލް ޓްރާންސްފޮރމޭޝަން ޕްރޮގްރާމް ނިމިއްޖެއެވެ.

މިއީ އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާގެ އިސްނެގުމުގެ މަތިން، ޔޫ.އެން އެސްކޭޕްގެ އޭޝިއަން އެންޑް ޕެސިފިކް ޓްރެއިނިނގް ސެންޓރ ފޮރ އިންފޮމޭޝަން އެނޑް ކޮމިއުނިކޭޝާން ޓެކްނޮލޮޖީ ފޮރ ޑިވަލޮޕްމަންޓް (އޭޕީސީއައިސީޓީ) އާއިބިޒްނަސް ސެންޓަރ ކޯޕަރޭޝަން (ބީ.ސީ.ސީ) ގުޅިގެން ކުރިއަށް ގެންދިޔަ ޕްރޮގްރާމެކެވެ.

ތިން ދުވަހުގެ މުއްދަަތަށް ކުރިއަށްގެންދިޔަ މި ތަމްރީނު ވެގެންދިޔައީ ވަރަށް ބޭނުންތެރި މައުލޫމާތުތަކެއް ލިބިގެންދިޔަ ތަމްރީނު ޕްރޮގްރާމަކަށް ބައިވެރިން ވަނީ ފާހަގަކޮށްފައެވެ.

އެގޮތުން ވިޔަފާރި މެނޭޖްކުރާނެ ގޮތާއި ފައިދާއާއި ގެއްލުން މިނެކިރާނެގޮތާއި ވިޔަފާރި ކުރިއަރުވާނެ ގޮތްތައް މި ތަމްރީނުގެ ތެރެއިން އެނގިގެން ދިޔަކަން ބައިވެރިން ފާހަގަކުރިއެވެ.

މީގެއިތުރުން ކުދި ވިޔަފާރިތަކުން ވެސް ފަރުވާތެރިކަމާއެކު ހިސާބުތައް ބެލެހެއްޓުމުގެ މުހިންމުކަމާ ބެހޭ މައުލޫމާތާއި ވިޔަފާރި ކުރިއެރުވުމަށް ބޭނުންވާ ގިނަ ހިޔާލުތައް މި ތަމްރީނުގެ ތެރެއިން ލިބުނުކަމަށް ބައިވެރިން ފާހަގަކޮށްފައި ވެއެވެ. އަަދި އެއް ތަނަކުން ގިނަ އަންހެން ވިޔަފާރިވެރިންނާއި ބައްދަލުވެ، ހިޔާލު ބަދަލުކޮށް، ނެޓްވޯކްކުރުމަށް ވެސް މި ތަމްރީނުގެ ތެރެއިން މަގުފަހިވެގެން ދިޔަކަމަށް ވަނީ ބުނެފައެވެ.

މި ތަމްރީނު ޕްރޮގްރާމް ނިންމާލުމުގެ ގޮތުން ޑިސެމްބަރ 16 ވަނަ ދުވަހު ބޭއްވި ރަސްމިއްޔާތުގައި އިޖުތިމާޢީ އަދި ޢާއިލީ ތަރައްޤީއާ ބެހޭ ވަޒީރު ޑރ. ޢާއިޝަތު ޝިހާމް ވަނީ ބައިވެރިންނާ ސެޓްފިކެޓް ހަވާލުކުރައްވާފައެވެ.

މި ޕްރޮގްރާމް ޖުމްލަ 77 ބައިވެރިން ވަނީ ފުރިހަމަކޮށްފައެވެ.