އާންމު މިންގަނޑާ ހިލާފަށް ދިވެހި އުފެއްދުންތައް ވިޔަފާރީގެ ބޭނުމަށް ތައްޔާރުކުރަމުންދާ ތަނެއް އިމިގްރޭޝަނުން އަނެއްކާ ވެސް ހޯދައިފިއެވެ.

މޯލްޑިވްސް އިމިގްރޭޝަނުން ވިދާޅުވީ މިތަން ހޯދާފައިވަނީ އެ އިދާރާ އަށް ލިބުނު ރިޕޯޓަކާއި ގުޅިގެން ޓާސްކުފޯހުން ޑިސެމްބަރ 16 ވަނަ ދުވަހުގެ ރޭ ހިންގި އޮޕަރޭޝަނެއްގައި ކަމަށެވެ. އަދި މާލޭގެ ހެންވޭރުގައި ހުންނަ ގެއެއް ބަލައި ފާސްކޮށްފައިވާ ކަމަށެވެ.

މި ތަނަކީ އާންމު މިންގަނޑުތަކާއި ހިލާފަށް ދިވެހި އުފެއްދުންތައް ވިޔަފާރީގެ ބޭނުމަށް ތައްޔާރުކުރަމުންދާ ތަނެއް ކަމަށް ވިދާޅުވިއެވެ. އަދި ފިހާރަތަކުން އާންމުކޮށް ލިބެންހުންނަ ގިނަ ބާވަތްތަކުގެ ކާބޯތަކެތި މިތަނުން ފެނިފައިވާ ކަމަށް ވެސް ވިދޅާުވެފައި ވެއެވެ.

އިމިގްރޭޝަނުން އިތުރަށް ވިދާޅުވީ ގަވާއިދާ ހިލާފަށް މި މަސައްކަތް ކުރަމުން ދިޔަ ބިދޭސީ މީހާ އެ އިދާރާގެ ބެލުމުގެ ދަށަށް ގެންގޮސްފައިވާ ކަަމަށެވެ.

އިމިގްރޭޝަނަށް ލިބުނު ރިޕޯޓަކާއި ގުޅިގެން ރޭ ޓާސްކުފޯހުން ވަނީ މާލޭގެ ހެންވޭރުގައި ހުންނަ ގެއެއް ބަލައި ފާސްކޮށްފައި. މި ތަނަކީ އާންމު މިންގަނޑުތަކާއި ހިލާފަށް ދިވެހި އުފެއްދުންތައް ވިޔަފާރީގެ ބޭނުމަށް ތައްޔާރުކުރަމުންދާ ތަނެއް. އަދި މިތަނުން ވަނީ ފިހާރަތަކުން އާންމުކޮށް… pic.twitter.com/7C4N9yA29C

— Maldives Immigration (@ImmigrationMV) December 17, 2024

ރާއްޖޭގައި ގަވާއިދާ ހިލާފަށް އުޅޭ ބިދޭސީންގެ މައްސަލަ ހައްލުކުރުމަށާއި އާންމު މިންގަނޑާ ހިލާފަށް ހުންނަ ތަންތަން ބަލައި ފާސްކުރުމަށް އިމިގްރޭޝަނުން ކުރިއަށްގެންދާ އޮޕަރޭޝަންގައި މިހައިތަނަށް ވަނީ ގިނަ އަދަދެއްގެ ތަންތަން ބަލައި، ފާސްކޮށްފައެވެ. އަދި ގަވާއިދާ ހިލާފަށް އުޅެމުންދިޔަ 5000 އަށްވުރެ ގިނަ ބިދޭސީން ވަނީ ޑީޕޯޓު ވެސް ކޮށްފައެވެ.