ނ. ކުޑަފަރީ ގޮނޑުދޮށް ހިމާޔަތްކުރުމުގެ މަސައްކަތް ދަނީ ބާރަށް ކުރިއަށް ކަމުގައި އެމްޓީސީސީން ހާމަކޮށްފިއެވެ.

އެ ކުންފުނިން ބުނީ އެ މަޝްރޫއުގެ 57 އިންސައްތަ މަސައްކަތް ނިމިފައިވާ ކަމަށެވެ.

އެގޮތުން ޖިއޯބޭގަށް ވެލިއަޅާފުރުމުގެ 35 އިންސައްތަ މަސައްކަތް ނިމި، ޖިއޯބޭގް ޖެހުމުގެ 21 އިންސައްތަ މަސައްކަތް ވެސް މިހާރުވަނީ ފުރިހަމަކޮށްފައު ކަމަށް އެ ކުންފުނިން ހާމަކުރެއެވެ.

އެމްޓީސީސީއަކީ ރާއްޖޭގެ ރަށްރަށުގެ ގޮނޑުދޮށް ހިމާޔަތްކުރުމުގެ މަޝްރޫއާއި ބިން ހިއްކުމުގެ މަސަައްކަތް ފުޅާދާއިރާއެއްގައި ކުރަމުން އަންނަ ގާބިލު ކުންފުންޏެވެ. އަދި އެއްފަހަރާ އެތައް ރަށެއްގައި އެފަދަ މަސައްކަތްތައް ކުރުމުގެ ގާބިލުކަން ވެސް އެ ކުންފުނީގައި އެބަހުއްޓެވެ.