މަރިޔަމް ސިވާ އަކީ ލޭގެ ކެންސަރަށް މަގުފަހިވާ ބައްޔަކަށް ފަރުވާ ހޯދަމުން އަންނަތާ 10 އަހަރަށް ވުރެ ގިނަ ދުވަސްވެފައިވާ ފަރާތެކެވެ. ފާއިތުވެދިޔަ ދުވަސްތަކުގައި ގެންދަނީ ފަރުވާ ވެސް ހޯދަމުންނެވެ.

އެހެންނަމަވެސް ދާއިމީކޮށް މިފަދަ ކަމެއް ކުރުމަކީ އެތައް ހަރަދުތަކެއް ހޭދަވާނެކަމެކެވެ. ހާއްސަކޮށް އެއްދުވަހުން އަނެއް ދުވަހަށް ތަކެތީގެ އަގުތައް އުފުލި، އެހެނިހެން ހަރަދުތައް ވެސް އަތްފޯރާފަށުން މައްޗަށް ދިއުމަކީ މިފަދަ ބަލިތައް ތަހައްމަލު ކުރަމުންދާ ފަރާތްތަކަށް ދިމާވާނޭ އެންމެބޮޑު ގޮންޖެހުމެވެ.

ސިވާ އަށް ވެސް ދިމާވެފައި މިވަނީ މި ގޮންޖެހުމެވެ. އެހެންވެ، އޭނާ އެދެނީ އެހީތެރިކަމުގެ އަތެއް ދިއްކޮށްލާނެ ފަރާތްތަކަކަށެވެ.

"މިބަލީގަ އުޅޭތާ މިހާރު 10 އަހަރަށްވުރެ ގިނަ ދުވަސް ވެއްޖެ. މިހާރު ޕްލަޓަލެޓް ކައުންޓް ހައިވެފަ އިންވަރަކަށް ހައިއެއް ނުވޭ. މީތި ހައިވާކަމަށް ވަންޏާ ސަސްޕެކްޓް ކުރެވޭ ބްލަޑް ކެންސަރަށް. އަދި މިހާ ހައިކޮށް އިނީމަ ލޭ ބޯވެ، ގަނޑުއުފެދުމުގެ ޗާންސް ވެސް ވަރަށް ހައިވޭ." ސިވާ ކިޔައިދިނެވެ.

މީގެއިތުރުން ގަނޑުއުފެދެންޏާ ހާޓްއެޓޭކް، ސްޓްރޯކް އަދި ކިޑްނީ ފެއިލްވުމުގެ ޗާންސް ވެސް ވަރަށްބޮޑުކަމަށް ޑޮކްޓަރުން ބުނެފައިވާކަމަށް ސިވާ ބުންޏެވެ. އަދި ވީއެންމެ އަވަހަކަށް ފަރުވާ ހޯދުމަށް ލަފާ ވެސް ދީފައިވާކަމަށް ބުނެފައި ވެއެވެ.

ސިވާ އިތުރަށް ބުނީ މިހައި ސީރިއަސް ހާލުގައި ހުރިއިރު، މިވަގުތު އަތުގައި ހުރި ފައިސާ އިން މިކަން ކުރެވޭނެކަމާއިމެދު ސުވާލު އުފެދޭ ކަމަށާއި އެހެންފަރާތްތަކުގެ އެހީތެރިކަމަށް އެދެން ޖެހުނީ އެ ސަބަބަށްޓަކައި ކަމަށެވެ. ޑޮކްޓަރުންގެ ވާހަކަތަކަށް ރިޔާއަތްކޮށް ސިވާ ބުނީ މި ފަރުވާ އަށް ރާއްޖެއިން ބޭރުގައި ގާތްގަޑަކަށް މަސްދުވަސް ހޭދަކުރަންޖެހޭއިރު، ބޭސްފަރުވާ އާއި ހުރުމާއި ކެއުމާއި ބުއިން އަދި އެހެނިހެން ހަރަދުތަކަށް ބޮޑު ހަރަދެއް ޖެހެއެވެ.

ދިވެހީންނަކީ މިފަދަ ކޮންމެ ކަމެއްގައި ވެސް ނަމޫނާ ބައެކެވެ. ހާޅުގައި ޖެހިފައިވާ ފަރާތްތަކަށް އެހީތެރިވުމަށް ދުނިޔެއިން ވެސް ނަމޫނާ ރައްޔިތެއް ދިރިއުޅޭ ގައުމެކެވެ. އެހެންކަމުން ސިވާގެ މި ބައްޔަށް ފަރުވާ ހޯދުމަށް އަތުކުރި އޮޅައިލަމާތޯއެވެ. މި ޕޯސްޓާއި ގުޅޭ އިތުރު މައުލޫމާތު 7960272 އިން ލިބޭނެއެވެ. އަދި ސިވާ އަށް އެހީތެރިކަން ފޯރުކޮށް ދިނުމަށް ބޭނުންވާ ފަރާތްތަކުން ތިރީގައިވާ އެކައުންޓުތަކަށް އެހީފޯރުކޮށްދިނުމަށް ވަނީ އެދިފައެވެ.

ދިވެހި ރުފިޔާ، މަރިޔަމް ސިވާ: 7730000111349

ޑޮަލަރު އެކައުންޓު، މާޒިން އަބްދުއްލަތީފް (ސިވާގެ ފިރިމީހާ): 7730000608730