މޯލްޑިވްސް ނެޝަނަލް ލައިބްރަރީ އިން އައްޑޫގައި ލީޑަރޝިޕް ޑިވެލޮޕްމަންޓް ޕްރޮގްރާމެއް ބާއްވައިފިއެވެ.

މި އިވެންޓަކީ ނޭޝަނަލް ލައިބްރަރީ، ޓޭލަރސް ޔުނިވަރސިޓީ މެލޭޝިއާ އަދި ކިއު ސްޓަޑީ މެލޭޝިއާ އިން އިންތިޒާމްކޮށް ކޯ ހޯސްޓްކޮށްގެން ބޭއްވި ލީޑަރޝިޕް ކޭމްޕެކެވެ.

އައްޑޫއަށް އަމާޒުކޮށްގެން ކުރިއަށްގެންދިޔަ މި ހަރަކާތުގައި 30 މީހަކު ވަނީ ބައިވެރިވެފައެވެ. ނެޝަނަލް ލައިބްރަރީއިން ވަނީ މި ޕްރޮގްރާމުގެ ބައިވެރިންނަށް ޝުކުރުއަދާކޮށްފައެވެ.

މި ވޯކްޝޮޕްގައި ލީޑަރޝިޕްގެ އަސާސްތަކާއި މައްސަލަ ހައްލުކުރުމާއި ކުރިއަށް އޮތްތަނުގައި ރަނގަޅު ނަތީޖާތަކެއް ނެރެވޭނެ ރަނގަޅު ނިންމުންތަކެއް ނިންމާނެ ގޮތްތައް ދަސްކޮށްދީފައިވާ ކަމަށް ނެޝަނަލް ލައިބްރަރީން ވަނީ ބުނެފައެވެ.